مساءكم سكر :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ذبلت على ارض الفراق الاماني= واللي بقي منها بصدري سجينه
لاهزها طيفه تزلزل كياني= تقووول زلزال يزلزل مدينه
وآآجرحي اللي يستحق التهاني= علمني ان الموت بيني وبينه
ذاك الذي وثق مابين المحاني= من دم قلبي وبآنامل يدينه
عبارة ٍ تبقى لو العمر فاني= يقول فيها ابو عيون حزينه :
( أكيد انا في عالمك شخص ثاني= وقلبي معك ترعاه ايدٍ أمينه
تدري يا أغلى مغترب في زماني= احس قلبك يم وآنا السفينه
أسافر بقلبك كأنه مواااني= ظنين يبحر في محبة ظنينه
وأكتب وألحن فيك احلى الأغاني= بعد وأغني للجروح الدفينه
لو تدري وش كثر أعشقك يا أناني= ماتترك الخافق للوعة سنينه )
أخذ يرتب من جميل المعاني= ويساره تلاعب أصابع يمينه
وجلست ساكت ماتحرك لساني= والظاهر اني تهت في بحر عينه
لقيت فيها من ذكرت ونساني= احلام قلبي أمنياته حنينه
( جرحي ) ( دماري ) ( أمنياتي ) (حناني )= ( الذكريات ) ( الانتماء ) ( الغبينه)
ويوم انتبهت أثره تركني مكاني= وأنا أنذهلت وقلت : ياناس وينه
رحل وأخذ فكري معاه وعطاني= جرح ٍ لقلبي ( يالله انك تعينه )
( الحب بلوى ) و ( الفراق إمتحاني )= و( الوصل جنة ) و ( الدقايق ثمينه )
و( العمر رحلة ) و ( المشاعر مباني )= و( الحزن ايادي ) و ( القلوب العجينه )
عانيت وأطهر قلب لازم يعاني= بين انتماءه للغرااااام وأنينه
واليوم حتى الحب فيني بكاني= وأنا أتجمل بالصبر والسكينه[/poem]
رد مع اقتباس
المشاركة الأصلية كتبت بواسطة مغترب
