[poem=font="Simplified Arabic,4,black,normal,normal" bkcolor="skyblue" bkimage="" border="none,4,gray" type=2 line=0 align=center use=ex num="0,black"]
يابيـه يادكتـور يابـاش يامـيـر=ياملتقـا سيـل الدلـع وانقسـامـه
يالي تقولين الهوى كيـف بيصيـر=تنشد عن القمري بورقـى الحمامـه
بكيـر فيـك الحـب يابنـت بكيـر=مازال قلبـك فـي معسـل منامـه
معفي من الجزيـه ودفـع الفواتيـر=وبعفيك عن باقي رسـوم الغرامـه
وخل الوعد بيني وبينك علـى خيـر=اذا تلاشـا منـك طبـع اللئـامـه
محسوبك اللي طب في غبـة البيـر=وشرب مصب عيون ماهـا وسامـه
عرفت قبلـك سيـد كـل الغناديـر=والله يغفـر الذنـب قبـل الملامـه
وانا ماقول انـي حميـت الطوابيـر=ولا حكمت من اليمـن لـي تهامـه
ماغير اقول ان دمنا ميزتـه غيـر=شمـوخ,عـزه نفس,هيبه,قـرامـه
ويوم الرجال ارجال وقت المظاهيـر=كـم واحـد جانـا مكبـر سنامـه
جانا بخيـر وراح ماعـاده بخيـر=القلب يرجف والبـلا فـي عظامـه
ماهو بفديو كلـب دبـلاج تصويـر=ولا هـو ابرستيـج سستـم نظامـه
واذا تجاهلتـي ملـوك الاساطـيـر=ردي اذا رديـت نـص ابتسـامـه
ومدامني عجـل وعنـدي مشاويـر=ترى طرات الشـي عنـدي تمامـه
دامك كتبت اسمي بخـط الطباشيـر=واتقولي في الكـف نقشـة وشامـه
باقول عفت اللـي بقـا دون تبريـر=ونفسي لما شامـت لبسـت العمامـه
والحر طير وبه معا الطير كم طيـر=واللي يعرفه زيـن يعـرف مقامـه
كبرت قدرك وادري ان عاده اصغير=مدري غشامة طيب والـلا شهامـه
ولولا خطاك اللي حصل منك عصير=حصلت عندي كـل حـب وكرامـه
واللي تبيه ايصير لعيونـك ايصيـر=لكن جبرت القلـب يقطـع سلامـه
وانـا بمـا آلـت اليـه المقـاديـر=راضي وقلبـي مايحاسـب عمامـه
ويالله بفال منك فـي تالـي السيـر=وياليت في الطيب وسـوم وعلامـه
اقضي نهاري هـم والليـل تعزيـر=وحالي غدى مابين جـرف وعدامـه
قبل اسألك ضيم على ضيـم شيصيـر=قلـي مـن اللـي مايثمـن كلامـه
اللي بيبقالـك مع النـاس تقديـر=والمحترم يفـرض عليـك احترامـه
وانا اشهد ان سود الليالـي مدابيـر=ولا قطع كبد الصبـي كـون شامـه
لكـن فمـان الله واخـذ المحاذيـر=وبشويش لاعضيـت كـف الندامـه [/poem]