[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يابـو قطـر ماهقوتـي بإنـك تخلينـي كـذا = البال متكدر ونفسـي صـدق ماهـي رايقـه..
مابه خوي حولي ماغيـر اهـل الأذيـه والأذا = وآنا ورب البيت حتى الثوب مانـي طايقـه...
أجامل الدنيا وانـا همـي معـي مثـل الغـذا = في لقمتي.. في مشربي.. حتى هواي يظايقه..
مليت مـن تدبيـر ذا وتٌعبـت مـن تلفيـق ذا = وتُعبت وآنا والزمـن مـن كذبـه لُحقايقـه...
وتٌعبت من كيف..ومتى..وشلون..ويمكنّـه إذا = وتٌعبت من ذنب ٍ يعذبنـي واجـي طرايقـه..
وتٌعبت من فرقا الحبيب اللي خـذا واستحـوذا = وتعبت من دمـع ٍ يسرينـي وأعـود رايقـه..
وتٌعبت مـن حنـا وماحنـا وذا (فيضـي) وذا = وتُعبت من ناس ٍ تماشيني وانـا أدري بايقـه..
وتٌعبت من شوف الشيوخ اللي يخرزون (الحذا) = وتُعبت من حلم ٍ يجي فـي آخـره عوايقـه..
وتٌعبت وآنا كـل مـا أبـذل جهـد واستنفـذا = نتايجه..عـد الشهـور وعقبهـا دقايـقـه ...
وتٌعبـت وآنـا كـل ماغنيـت قالولـي لٌــذا = وتٌعبت .. إيه تٌعبت من جوف ٍ كتم حرايقـه..
يابو قطر والنفس تبـدي طيبهـا علـى القـذا = لكنّ محجـر عينـي يعيـي علـى موايقـه..
يالله ياللي حكمتـه يعطـي وإذا أعطـى خـذا = تغفر لـي ذنوبـي يـارب ٍ يغفـر لخلايقـه..
[/poem]