تعالوا نحش في المدرسات

[مجروحة الزمن]

السلام عليكم و رحمة الله و بركاته ..

اشلونكم يا المدرسين ومدرسات ويا طلبه وطالبات

يا الله ندخل بالسالفه

<<<< مستعجله ماعندها وقت :تصفير:

تذكرون ايام المدرسه .. يوم كنا نحش .. ما تحلا لنا القعده الا بالحش في المدرسات ..

شوفوا هذه شو لابسه..

و هذه شو مسويه بعمرها ..

و هذه ما تعرف تشرح..

و هذه متكبره نسلم عليها و ماترد..

و هذه ما عندها شخصية ..

و غيره و غيره .. و احنا ناخذ من وراهم ذنوب ..

عندنا هني في الغرابيل ابلتنا جواهرالله يحفظها و يوفقها مدرسه:اموه:

و عندنا بعد حسوسه توها صايره ابله

واكيد مدرسات وايد هنيه اللي توها متعينه واللي تبي تتخرج وتشتغل


اكيد وايد فيه سواء بنات او شباب

فما هي النصائح التي تقدمونها للمدرسين من ناحية:

1- أسلوب التعامل مع الطلبه ؟؟

2- المظهر الخارجي ؟؟

3- علاقة المدرسين مع الطلبه خارج الفصل؟؟

4- الاساليب التشجيعية ؟؟

اتمني الكل يشاركنا :عطر:

سلامووووووووووووووووووووو ووووو

[طيف الوله]

فما هي النصائح التي تقدمونها للمدرسين من ناحية:

1- أسلوب التعامل مع الطلبه ؟؟

تكون مرنه في تعاملهااااصدرها رحب ماتكون عصبيه ياشين الابله لا عصبت وما تكون مررره متساهله

2- المظهر الخارجي ؟؟

يكون مظهرها محتشم وملابسها ذوق مو تلبس الوان مادري شلون صايره وتهتم بمظهرها

3- علاقة المدرسين مع الطلبه خارج الفصل؟؟

تكون اخت وام للطالبات وتسمع منهم وتحاول تكون قريبه منهم ومن همومهم

4- الاساليب التشجيعية ؟؟

تعطيهم الحريه في الخروج من الفصل اذا ملو من الدرس
:p


مشكوره مجمج على هالفرصه التي نستطيع فيها الحش بدون رقيب

[مجروحة الزمن]

الاساليب التشجيعية ؟؟

تعطيهم الحريه في الخروج من الفصل اذا ملو من الدرس:p


خوش اسلوب تشجيعي هذا لو يطبقونه

كان طلعت الاولي انا علي المدرسه :تصفير:

<<< اي هين

يسلمو طيوفه علي مشاركتك الحلوه

[الأميرة الناعمة]

ياهووو يا ميجي اسلوب حلوو

بالنسبه لرياض الاطفال


1- أسلوب التعامل مع الطلبه ؟؟

لازم تكون المدرسة مرنه و يكون عندها قوه صبر كبيرة لانها راح تواجه ناس ما يعرفون و لاشي و لازم تبدا تعلم من الاول و تحسسهم بالحب و هي تدرسهم او تشاركهم و تساعدهم

2- المظهر الخارجي ؟؟

الاطفال كثير يهتمون بشكل المعلمه وخاصة اذا كانت حلوة وتكشخ تلفت نظرهم وهذا شي انا اكتشفته من خلال معاشرتي لهم

3- علاقة المدرسين مع الطلبه خارج الفصل؟؟

طبعا ارجع واقول انا اتكلم عن الاطفال .. تكون علاقه عاديه مثل لما تكونين في البيت وعندك اخ اواخت صغيرة كيف راح تجي تبوسك تحضنك راح تعاملينها بحنيه ولطف كذا المفروض تكون علاقة المدرسة بالاطفال خارج وداخل الفصل

4- الاساليب التشجيعية ؟؟

امم مثلا عندنا اللي يحفظ السور المقررة يلبس تاج حافظ القران لمدة اسبوع وغير التشجيع بالطابور
وطبعا الحلويات و الهدايا التشجيعية

حساسة

[مجروحة الزمن]

يسلمو سوسي علي النصايح المفيده :اموه:

ومشكوره علي مشاركتك الحلوه

سلاموووو

[ابو العز]

يسلمووووووووو علي الموضوع

اما من ناحية الطلبه فانا افضل انكم ماتعطونهم وجه



امززززززززززززززززح


اقصد خلو معاملتكم معهم طيبه وحنونه وطلعوهم تمشيات للبر
والا تذاكر سفر للهند علشان يحبون المدرسه


وبعدين ياريت ماتكثرون من الجمعيات( التبرعات) حقت المدرسه تراها صارت قديمه


:D :D :D

[مجروحة الزمن]

يا سلام عليك يا ابو العز

لو فيه صدق تمشيات للبر ورحلات للهند

كان محد مل من المدرسه ولا تركها:)

وانا اول وحده

يسلمووو يا ابو الافكار الجهنميه

[جواهر]

الاساليب التشجيعية ؟؟

تعطيهم الحريه في الخروج من الفصل اذا ملو من الدرس

ممممممممممممممممممحق من اساليب


اسلوب التعامل مع الطلبه :



بين الشده والليونه ..... تراعي الفروق الفرديه بين الطالبات


والمظهر الخارجي : محتشم وذوووووووووووق



خرج الفصل ما أزيد على كلام طيف بشي


الأساليب التشجيعيه.




>>>>>>> ابدن ابدن ما تفيد معها هذي الطريقه


يمكن هذا زمان لكن بنات اليوم يمه منهم



:anger1: >>>>>>> اليوم كذا صرت

[خااالدالشوووق]

مرحباااااااااااااااااااا
موضوع حلووووووو كتير بس الاهم التطبيق
المهم من واقع الخبره >>>>يبي يقول انه تيتشر مممممممم
المووهم من افضل وسائل التشجيع الاحترام المتبادل بين المعلمين والمتعلمين
احب اعطي الطالب مساحه من الحريه بس بحدود حتى يعبر عن ذاته بشكل عفوي ولا ننسى طبعا اسلوب العقاب والثواب وكل واحد له وقته.
بس اللي احسه والمسه واشمه ان المعلم لازم يعطي انطباع لكل الطلاب انه مهتم فيهم ولا يهمش احد.



ولكم تحياتــــــــــــــــــــ ـــــــي

[مجروحة الزمن]

جواهر

شكل الطالبات رافعين ضغطك عدل :)

الله يعينك عليهم:تصفير:

تسلمين علي طلتج حبيبتي

[مجروحة الزمن]

صادق بكلامك اخوي خالد

اتذكر ايام كنت طالبه يوم مدرسه تهمل وجودي او ماتعطيني وجهه كنت انقهر :o

<<<<< مسكين حالك:)

مشكور استاذ خالد الشوق علي مشاركتك الرائعه

سلامووووو

[مخاوف قلب]

مااقول بس غير



ياليل خبرني عن امر المعاناه




وربي البنات اللي عندي ولااسلوب ينفع معهم


شده ولين


عقاب وهواش



مطاقق ومزاعق


صياح وضحك


اقول والله غير اشق هدومي منهن



:o




ماينفع معهم شي مجمج وش اسوي بعمري



بتقاعد بدري وكله منهم بيجيبون لي جلطه وانا توني صغيره :o




صي يووووو

[مجروحة الزمن]

يؤؤؤؤؤؤؤؤؤؤؤ

حالتك ميئوس منها مخموختي :o


انا اقول يمكن لانك عطيتيهم وجهه من البدايه فبدئو يمصخونها معاك

كان المفروض تكوني شديده معهم بالبدايه علشان لا يستهينون في الحصه ولا فيك

الله يعينك عليهم

[هاوي معرفة]

مرحبا ميجوووو

ايام قبل كان للمدرسين هيبه واحترام وكانوا الطلبه يحسبون الف حساب للمدرس لانه كان فيه طق(ضرب)للطالب المتاخر والكسلان والى مو حال الواجب 0
لكن للاسف الحين اذا تكلم المدرس المسكين كلمه ردوا عليه الطلبة بعشر لا مو جذي بس من باجر يجي ولي امر الطالب ويهدد المدرس بالضرب ورفع قضية عليه بالمخفر ويا ويلك اذا لمست ولا كلمة او ضايقت ولدنا نلعن خير خيرك"والله كاسرين خاطري المدرسين هالايام0
بس ما اقول الا الله يكون بعونهم0

اخوكم : هاوي معرفة

[مجروحة الزمن]

كلامك عدل يا خوي

يمكن كل هذا علشان القرار اللي نزلوه ممنوع ضرب الطلاب :(

مشكوره علي مشاركتك الحلوه

سلاموووووووووووووووووو