[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
يسعد مسى ام العطف وأم الأحاسيس=الي تلومن في غلا نقوة الجيل
الله يجيره من صراع الهو اجيس=والله يجنبها العنا و البهاذيل
يمه غلاها مالحده مقاييس=له في خفايا الروح همس ومواااويل
واعضى جنينك من غلاها متاريس=يمه احبه حيل بالحيل بالحيل
بنت الرجال متعبين المحاميس=الي لحشمتهم تقوم الرجاجيل
ضيم العفون الملبدين المناجيس=يمه أحبه مال عقلي معه ميل
يمه غرامه ما تدخلبه ابليس=ومحشومه عن قذفة القال والقيل
ماتمسك الزله عليها الجواسيس=وفوق الشرف مثل المزن والهماليل
تكرم عن الي بالمفارش مداسيس=الله عطاها الملح واحلا التعاليل
وطيب وعقل مرباه مايدنسه هيس=الله جعل فيها العدل دون تعديل
دربه سهل ودروب غيره تضاريس=ماعنده تضخيم جور وتهاويل
ماينطبق عليه مثل هيس(ن) اوفيس=ساس الصراحه في زمان التضاليل
وان جت على ابداع الولي بالنواعيس=الخادرات الناعسات المضاليل
تاقف حروفي بس خلف الكواليس=احاف اوصف وابخس الزين بالكيل
يمه احبه حب طاهر مثل قيس=ومثل حمد بسبابهم حست الخيل
وهي ماتضف الخايبين الدنافيس=ليلى وجواهر عند حبها محاصيل
يمه انافي وقت مابه معاسيس=مابه سوى الجوال لجل المواصيل
يمه انا وياه مبطي معاريس=زوجتها نفسي بليا تفاصيل
وهي وافقة بس اشرطت قلعت ابليس=يمه دخيل العطف في آخر الليل
أدعي لنا بجمع الشمل والأحاسيس=زاد التعب والضيم ومسامر الليل [/poem]