طبعا يوم قريت المغامرة انفجرت قريحتي و كتبت فيلم هندي
و حطيت الابطال و كل شي
اخليكم اول شي مع الابطال اللي راح يمثلون
ديفداس (( البطل ))
راهول (( البطل الثاني ))
كاجال (( البطلة ))
أشلي (( البطلة الثانية ))
شاروخان (( ضابط الشرطة ))
بورا (( رئيس عصابة المخدرات ))
جدة ديفداس
ام راهول
كومار (( الساعد اليمين لرئيس العصابة ))
لتشمي (( شريكة العصابة ))
أكرم (( مساعد اول للضابط ))
رشيد (( نائب المساعد الاول ))
بلوما (( اخت ديفداس ))
طبعا اسامي البطلات انتو خمنوها و اللي يفوز ماله شي بس اسم انه عبقري خخخخخخخخخخخخخخخ
المخرج ----> اميتا بتشا
================
يبدأ الفيلم بعرض اسامي الابطال و صورهم
مع موسيقى خفيفة
و يبدأ في بيت كبير فيه ولدين يلعبون يلحقون بنت ودهم يصفقونها
و البنت تصارخ دادي ما دادي ما و تطلع لهم الجدة و تجلس تصارخ ديفداس راهول اركدو يا مال الركادة
و تنادي بلوما بلوما تعالي غرفتك و ادرسي يا جعلك الصلاح
كانو راهول و ديف (( دلع ديفداس )) جيران و بنفس الوقت اصحاب ما يروحون الا مع بعض
و وقت الفزعات مالهم غنى عن بعض و كانت الجدة و ام راهول صديقات و جيران
و تمر الايام و السنين و يكبرون و كل واحد تطلع خشته احلى من الثاني (( ترى هذا بس في الفيلم ))
و في يوم كان ديف و راهول جالسين في البيت يتعشون طالبين من مطعم و نصب راهول على ديف و خلاه
يدفع الحساب و وقت الاكل و هم على السفرة الا يسمعون ذيك الاصوات و يطلعون الا انواع الانفجارات
و الرشاشات و المسدسات و ما كان فيه الا هم و عصابة المخدرات جالسين كل واحد يطلق على الثاني
و فجأة تنفجر سيارة قريبة من سياكلهم و كل واحد شوي و يصيح و تحترق السياكل و حاولو انهم يهربون
لكن العصابة انتبهت لهم و قامت تطلق عليهم و هو يناقزون كانهم مهرجين سيرك الين ما جات الشرطة
و انقذتهم و طبعا العصابة حطوهم في بالهم لانهم يعرفون اشكالهم و قررو انهم يقتلونهم او ينتقمون منهم
و تمر الايام و يشترون سيارات وقتها قد وصلهم التطور .. و في يوم كانو منثبرين في البيت جاتهم بلوما
و قالت لديف وصلني للجامعة جلس يتحلطم المهم في النهاية اخذها هو و راهول .. لما وصلو الجامعة الا
يجلس راهول يناقز ديف ديف شوف الا بنتين مثل القمر يمشون رايحين للجامعة و يجلسون يناقزون فوق بعض
كل واحد وده يشوف .. و صارو بدل ما تقول لهم بلوما ودوني للجامعة صارو هم ياخذونها .. اخر شي قالت لهم
ايش سالفتكم كل يوم تودوني جيبو من الاخر و قالو لها القصة و هي ما صدقت خبر طيران تعرفت على البنات
كانت اساميهم كاجال و أشلي .
و في يوم كانت مسوية حفلة و عزمتهم شوي و تحلف عليهم و يجون من الحفلة و تجلس معاهم جدة ديف
و يقولون لها احنا من قرية بعيدة و و و المهم قصة حياتهم و يوم راحو للقاعة نطو عليهم ديف و راهول مسوين
خفيفين دم ودهم يتعرفون طبعا البنات هزأوهم بس ما فقدو الامل و صارو يطلعون لهم في كل مكان من فوق
الاشجار و تحت الارض (( تخبرون فيلم هندي )) و يمين يسار الين ما صارت كاجال تحب ديف و أشلي تحب
راهول .
طبعا اول ما اعترفو بحبهم قامو يرقصون و يغنوون ويحضنون بعض ..... (( الباقي مشفر اللي وده يعرف يشوف يوم الاربعاء الفيلم الهندي في قناة ابو ظبي خخخخخخخخخ ))
المهم و يرجع ديف لجدته و راهول لامه يقولون لهم خلاص نبي نتزوج <<<<<<< ما عندهم وقت
طبعا جدة ديف عارضت و بشده قالت له مستحيل تتزوج وحدة ماهي من طبقتنا و لا عائلتنا و ان سويتها
حرمتك الميراث و طردتك من البيت .. طلع ديف زعلان و متضايق و قابل راهول و سأله ايش صار
قال له امي وافقت و رحبت .. قام ديف و بارك لصديقه و راحو للبنات وقال ديف اللي صار لكاجال
قامت و قالت له اهم شي جدتك لا تزعلها و قامت تصده و تبعده .. اما راهول و أشلي كانو في قمة السعادة
كانهم كناري بس للحين ما دخلو القفص الزوجي (( مثل انا مجنونها بس مو في الفيلم في المنتدى خخخخخخخ ))
المهم و يطلع ديف معصب و متضايق و يسرع بالسيارة الا تطلع شاحنه و دربج دربح و تنقلب فيه السيارة من
فوق الجبل ..........
ايش راح يصير
انتظرو الجزء الثاني ........؟؟؟؟؟؟؟؟؟؟
بانتظار تخميناتكم للبطلات لا تنسون خخخخخخخخخخخخخخخخ
يا ان يدي تكسرت بس عسى اطلع بفايدة خخخخخخخخخخخخخخخخ
سوسي
رد مع اقتباس
