السلام عليكم
مساءكم سكر وزنجبيل و زعفراااااااااان
طبعاً من العنوان واااااااضح ان البسااااااط احمدي يعني الدعوى فررري
اولا ً :كيفكم وكيف احوالكم اهم شي نسئل عنهم حبايبنا الطلاااااااب والطااااالباااااات ان شاء الله كله نجح مافيه احد حصل له وعكه ولا شي هاه طمنونا اكيد هالاسبووووع اخذتوا النتااااااايج ودنا نعرف من اللي نجح من شان نعطيه انجااااااااااحه خخخخخخخ واللي رسب ماله عندنا غير الخيزرانه ههههههه
لا اللي مانجحوا نقول حظ اوفر وشدوا الحيل في الترم الجاااااي والله معااااااااكم
قلنا لكم ان البسااااااط احمدي يعني كل واحد يفتح لنا قلبه ويقول لنا وين قضاء اجاااااازة الربيع هالاسبووووووع المااااااضي ويحكي لنا ماحصل له فيها وطبعاً انا راااااااااايح اقول لكم عن نفسي لكن ارجوا لا احد يدقق على الاسلوب ولا على بعض المفردات اللتي تواجهونها هناء اللي مايعرفها يمرر راسه على اقرب زاويه يمكن يتذكر معناها هههههههههه
يالله نبداء معكم قصه اجاازة الربيع
الاسبوع المااااضي بعد ماخلصنا من نتااااائج الطلاب ومراقباتهم وبالتحديد يوم الاثنين اجتمعنا انا والشله حقيني في الاستراحه كاااااالعاااااااده والله وإلى كل واحد نفسه في راس خشمه(يعني طفشانين) مجتمعين نبي وناااااسه وكل واحد مكتم(زعلان) كنا في حالة عزاء وانا اقعد افكر ودي افرفش عليهم شوي والله مير تولد في راسي هالفكره واعرضها عليهم قلت وش رايكم هالاياااااام يمدحون الربيع والتمشيه فيه يقولون الشمااااال مربع (للي مايعرفون مربع يعني فيه ربيع )
المهم ايدوا فكرتي وعرضناها على مجلس الاستراحه ووافقوا وتم تحديد موعد الرحله يوم الثلاثاء بعد الضهر انا وثلاثة منهم وبقيادة حضرتي واللزقه الدحمي
الدحمي هذا الله لايوريكم يرفع الضغط ومامنه اية فااااائده لكن نأخذه معنا من شان يونس خواطرنا لانه نكته على بعضه الشكل دب طوله وعرضه سوى يعني مترفي متر وفي نفس الوقت زوووووووول مايخدم حتى نفسه تخيلوا دائم ياخذ ولده معه ماهو حباً لولده لكن من شان يخليه ياطاء على ارجوله تخيلوا مره جاء ولا هو ناسي ولده ماجاء معه ورجع للبيت وجابه كله من شان يخليه يأطاء على رجليه
المهم قالو يالله يابو منير العزبه عندك قلت ابشروا كل شي جاهز العزبه والجيب الا الذبيحه عليكم الله لا يهينكم
والله مير نحط العزبه (اللي مايعرف العزبه يمر على محل رحلتي اللي على طريق المطار ويسئله عن معناها) في الشنطه ونحط الشنطه في الجيب ونحرك وعلى طريق القصيم ثمن المجمعه ثمن الارطااااويه ثمن الحفر
ثمن على ذيك البراااااااري اللي ربيعها يفتح النفس واللي البعير يشبع فيها وانت ماسكه بذنبه مثل مايقولون هههههههههه (تستخدم هذه العباره للدلاله على كثرة الربيع ) لكن والله من البرد اللي يقطع خشوم النياااااااق
المهم يوم جاء الليل وحنا عند نيااااااق العوووود في منطقة ساموده ويوم جلسنا وحبكنا القهوه اللي على الجمر وجلسنا نتقهوا في هالجوا اللي يشرح الصدر جوا بالصراحه يحرك المشاعر واليا نغمة الرساله يوم رنت في الجوال في مخباي واقول مين اللي ارسل شكلها جايتني بالغلط لاني من زمان مااحد يرسل لي كل الناس مقاطعيني كأني من منتجات الدنمارك ماادري هي قعااطه ولا قطااااااعه ولا ماعاد للرسائل داااعي مايرسل لي غير الجوال يقول انك على وشك استهلاك حدك الائتمااني
المهم وارد للجواال ابي اعرف وش السالفه ولياسلمكم الله رساااااله من شخص عزيز على قلبي ولي اكثر من سنتين ماادري وين ارضه به وهو اسمه ابو جفين القحطاني والى هو مرسل لي رساله تحتوي على كم من بيت بالعلم اني اعرف عنه انه ماهو شاعر لكن يمكن كان يخفي عني شعره وحبيت اجاري ابياته اللي ارسلها علي لاني بالصراحه في جوا يخلي اللي ماهوا شاعر يشعر غصب عنه
طبعاً هذه الابيات اللي وصلتني من ابو جفين ولا ادري هو اللي شاعرها ام غيره
[poem=font="Simplified Arabic,5,black,bold,normal" bkcolor="transparent" bkimage="backgrounds/1.gif" border="double,4,gray" type=2 line=0 align=center use=ex num="0,black"]
ياراكب مرسدس الفين اواثنين
فياجرى بحري ويخالط سماوي
فتحه مراتب جلد ارباق بابين
احدث طراز ولايجي بالمناوي
طبلون شاشه كمبيوتر بلونين
تصميم جفالي وللبعد طاوي
منصاك ابو منير لا قلت لي وين
هو عزوتي مادامها بالعزاوي[/poem]
وهذا مجااراتي له التي ولدت في صندوق انشاء رساله في جوالي وحبيت انقلها لكم مثل ماهي
[poem=font="Simplified Arabic,6,black,bold,normal" bkcolor="transparent" bkimage="backgrounds/1.gif" border="double,4,gray" type=2 line=0 align=center use=ex num="0,black"]
قم يانديني فوق صنع الملاعين
فكسار تويوتا رفيق الخلاوي
هزاز هيدروليك مكره اسبيرين
مركب صناديد الرجال البلاوي
مركب شيوخ القوم ولا السلاطين
ماساقه ......... وسط القهاوي
ملفاك ابو جفين سقم المعااادين
حر(ن)ولد حرن بعيد الهقاوي
ياصاحبي قله ترى خاطري شين
علماً لفاني تالي الليل ضاوي
يحرم عليك النوم ياقرة العين
كني قريصاً مالقى له مداوي
ابشر بعزك يازبون المخلين
تهون من شانك جميع الدعاوي
اطلب لعينك نأخذ الدين بالدين
حتى الصفر لك غصب يطلع يساوي
ان كان تبغاها فزعة على الدين
ابشر بعزك هات وش انت ناوي
وان كان تشكي حب سيد المزايين
ابو الجديل اللي على المتن لاوي
والعنق عنق الريم والعين شاهين
والخصر عود البان والجسم راوي
الحب ماله طب ياابن القحاطين
كود الصبر ماتفيد كثر الشكاوي
الحب ذل الناس اللي شجيعين
قدمك ابن شداد هو والخلاوي
وقيس الملوح صار ضمن المجانين
من العامريه جاه سم (ن) رهاوي
وانا لي في الحب قصه ودوواين
غرقان في بحره طحت متساوي
وختامها عنبر صافي وياسمين
والمعذره ان كنت في الرد هاوي[/poem]
والمعذره لكم انتم على الاطاااااااااااله وعلى التقصير واتمنى اننا امتعناكم بسواليفنا ومثل ماقلت لا احد يدقق على بعض المفردات تراها عاااااااميه ولنا لقاء بكم بعد العيد ان اشاء الله هههههههههههههههههه
واللي يمر يفضل ذكر اين قضاء اجازة الربيع حتى لو سطرين بس
وللمعلوووووووميه ترا فيه ربيع وامطاااااااااااار اللي عندهم انيااااااااااق يودونها هناااااااااااااااااك
ان شاء الله نكون ونسناكم واللي مااستانس يروح يزرع فجل وبطااااااطس خخخخخخخخخ
وعلى خير نلتقي
رد مع اقتباس
[/url]
ونجحن بمادتين<<احب العدل انا خخخخخخخخخخخخخخخخ
المشاركة الأصلية كتبت بواسطة المملوووحة
مافي شي اسمه محال
