STOP !! فلانه محجوزه لفلان!!

[>>متعبه عسآفهآ<<]

فلانــــة محجوزة لفــــلان !!! موضوع يستحق النقاش



السلام عليكم ورحمة الله وبركاته


( الحبر يخلص وقضايا مجتمعنا ماتخلص )





نجي لقضيتنا ومحور حديثنا


( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )




_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها



_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..



ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..



_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان




قصص تبكي القلوب .. وأحلام تضيع في قرار
أمال وأمنيات تتبخر ..


بصراحة انا احس ان الحجز فيه ظلم للبنت
خصوصا ان الولد لو كبر وغير رايه ماراح يتأثر


لكن البنت حساسة وراح تتأثر


وفوق كل هذا معد بيجيها خطاب لانهم يعرفوا انها محجوزة لفلان


ممكن الشاب يتأثر لان اهله اختاروا له شريكة حياته
وحجوزها له ..


لكن البنت هي اللي راح تتأثر اكثر




:


:



من المذنب .في هذا كله. الشاب , الشابه , الأهل , العادات والتقاليد ؟؟


ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟


اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟


وانت ايها الشاب مارأيك في مسألة الحجز ؟؟


وهل هذا الشي موجود في عائلتكم ؟؟ وماموقفكم منه ؟؟

[اذكر الله]

حياك الله غلاتي

بالفعل هالقضية موجودة عند بعض القبائل حالياً ولكن عند البعض تغير وأصبح هناك أكثر وعي

وخاصة عندما يحجزون البنت لولد عمها أو أي قريب لها بناء على طلب والده ورغبة والدها

وهذا وهم في قمة البراءة لا يعلمون شيئا .. وعندما تكبر الفتاة تجد نفسها معلقة ومحجوزة لإبن العم أو الخال

والكارثة عندما يكبر الإبن قد يكون لا يرغب بالزواج منها ويفكر بغيرها أو العكس ويكون الإرتباط فقط من أجل

الأسرة .. والمشكلة لو تم الزواج فسيكون زواج بدون رغبة من إحدي الطرفين أو كلاهما وينتج عن ذلك العديد

من المشاكل الأسريه

ولله الحمد هذه العادات لا توجد بعائلتي نهائياً ولا ييتم أي زواج إلا برغبة الطرفين

أتمنى أن تندثر تلك العادات السيئة لأن نتائجها وخيمة وغالباً تكون الفتاة هي الضحية

لأن الرجل ممكن أن يتزوجها إرضاء لأسرته ويتزوج بعدها بأخرى برغبته

كل الشكر غاليتي لجهودك المميزة

تقديري وودي

[غـــربة الــروح]

هالعادة كانت زمان

لكن الحين تغير هالمفهوم عند الاغلبية الا القليل

كلما زاد الوعي قلت وربما اندثرت

وتلاقيها عند الناس اللي ما لهم احتكاك بالمجتمع

ما زالوا متمسكين بهالعادات العقيمة

الله يعطيك العافية متعبة عسافها

دائما متجددة

[وجن محمد]

الان الحمدلله الناس تفتحت وتعلمت وصار موضوع فلان لفلانة ولا فلانه لولدعمها

منتهي من سنة جدي الله يرحمه

يمكن عند بعض القبائل مثل ماقالت ام رعد



متعبة

عوافي يارب

[غلا أبوها]

وعليكم السسسلام .. !

<--- محيرها ولد عمها من الثانوي هع هع هع هع هع


لكن برغبه مني ومنه والحمد الله تم الزواج بعد ثمان سنين عجاف

وبيني وبينك خفت يومن تخرجت من الجامعه ولاتحدد زواجي ولا جابوو طاري له قلت بسس هووون الولد مايبني

وبايعني وضحك علي وما يحبني وكنت شايله هم وآبكي <---- خبله وربي يوم آتذكر ذيك الآيام آضحك ع نفسي


وهالعاده آندثرت يحيرون البنت من يومن هي صغيره لكن فيه يتزوجون غصصب وع ذوق آمهاتهم وخواتهم

وع قولة آخوي الزواج عندنا آكشط وآربح هههههههههههههه

[سوسو]

اشكرك غاليتى ع هذا الموضوع ....

وأنامن وجهة نظري ان هذه ظاهره انقرظت او اوشكت على الانقراظ ونادرا وجودها....




تقبلى تحياتي......