[align=center]لكم مني هذه القصيده الذي بعد مرور اكثر من اربع اشهر على التوالي لم اجد في نفسي قابليه للكتابه في مايجول في نفسي وعندما اجتمعت علي ومن ((غلاته)) سميته ولدي
(( شعري ولدي))
ماعدت مثل اول ياشعري انا .. اجيكـ
ولانتـه مثـل اول بضيقـي تجينـي
لو كل مافينـي ابحكيـه انـا فيـكـ
ان كان راسك شاب من شـي فينـي
جنبت دربن جابنـي فـي حراويـكـ
لكـن مـدري كيـف جيـت بيدينـي
صحيح فعـلاَ وافـي لـو اجافيـكـ
تبقـى علـى درب الغـلا تحترينـي
احساسي اني لو ابمشـي واخليـكـ
كنـي مخليلـي ولــد يحتريـنـي
نادى يبه رديـت لـه قلـت : لبيـكــ
وش سبة غيابك ..؟ تبـي تنتهينـي
قلت : اصبر (وليّدي) انا فعلأ ابيـكـ
بس.. الحزن لاجيـت لـك يبتدينـي
قال : اوعدك بالله ماراح انا اجيـكـ
بـس لاتخلينـي وتـذبـح حنيـنـي
قلت : اوعدك بالله مـاراح اخليـكـ
وشلون ابنسى من بكت فيـه عينـي
قال : الغلا قلت : الغلا لااااا يحاتيكـ
انـا ابيـك وانـت // مثلـي تبينـي
قال : الوهم قلت ـالوهم لا يخاويكـ
مـدام فيكـ ارسـم انـا عاشقينـي
قال: التعب شفته انا فـي خطاويـكـ
قلت : الشقى مكتوب لـي ياضينـي
قال: بجروحك ؟ منهو اللي يداويـكـ
قلت : ولـدي لاتزيـد فينـي انينـي
قال: بوداعه قلـت: ربـي يعافيـكـ
الا وداعـه اتركـه لــو نسيـنـي
رد بأسف ماكـان قصـدي أأذيـكـ
رديـت ليتكـ يـاولـدي ماتجيـنـي
صحيح فعـلأ وافـيٍ لـو اجافيـكـ
تبقـى علـى درب الوفـا تحترينـي
رح ياولدي نام وعسى الله يهديـكـ
وتأكـد ان حبكـبـقـا يحتويـنـي
واقفى وهو يردد ترى الحزن يهنيكـ
بس ماعليك انا احفظـه سـر فينـي
[/align]