[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ثلاث سنين ما دق الخفوق لغير نظراتك = وأنا اللي كنت أشيلك في عيوني لي ثلاث سنين
طعنتيني وكنت أحسب تجيني اليوم فزعاتك = وأنا ماكنت أحسب إنك حبيبة راعية وجهين
تقولين الهوى لأجلك واشوف الكذب في ذاتك = غرامك بس قدامي وإلا من رحت أنا تنسين
تركتك واعرفي إن الخفوق يعاف كلماتك =تركتك واتركيني ما أحب ألعب على الحبلين
حبيبٍ كان يفرح لك على مزحك وضحكاتك=هو اللي اليوم يفرح لك إلا من ناظرك تبكين
خذيني جرح ما يرحم مناديلك ودمعاتك=وعطيني عهد ما اشوفك بعد ما اودعك هالحين
أحبك من زمانٍ فات لكنّ الزمن فاتك=ومات الحب في قلبٍ على درب الهوى مسكين
وزان الوقت في فرقاك ,, حانت لحظة سكاتك=وأنا ما عاد أتحمل زمانٍ في وجودك شين
هدمتي حبنا بيديك من كذبك وغلطاتك=هدمتي الحب في لحظة مثل فعل المطر بالطين
عطيتك من دروس العشق نبضة في بداياتك=عطيتك كل نبضاتي ولا كنت اعتبرها دين
توقعت البشر تكذب وأقول الصدق فِشفاتك =وصار الصدق في غيرك وصرتي أكذب الغاليين
وإذا كنتي تشوفيني أموت بكثر طعناتك=تعالي ,, هي شجار التين تسأل عن سقوط التين
تبين اليوم اجمع لك زهور الحب وشتاتك = هبوب القلب لزهورك ترى عكس الذي تبغين
وإذا كانت ثلاث ايام هي سبة معاناتك=أجل شوفي معاناتي مع حبك ثلاث سنين[/poem]