السلام عليكم ورحمة الله وبركاته
,
[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياهاجسي ياعساني ماعدم ماخلا = ماقفك ماقف شجيعٍ من سلايل قروم
عقيد قومٍ على قب المهار اعتلا= ينشد فيه الضهر لاحل وقت اللزوم
آمثلك واتمثل بك امام الملا = ويستر منك الكريمين وتضيق الرخوم
والله ماهو كبر يوم اتباهى .. اوّلا = ابك التواضع انا وياه اخوان توم
لاكن بآقولها من باب حب و ولا = رايتك بيضا وتنشر فوق هاك الرجوم
قصايدي في غرابيل الشعر .. من وإلا = ثلاثة ارباعها مرصعه بالنجوم
الا انت يابو هلا .. يامرحبا ياهلا = القلب بيتك تفضل واسترح وامخدوم
مايترك الواجبه ياكود ناس إبخلا = انعم بنا وانت والله يانعومك نعوم
ياوجه صبحٍ شلع جنح الظلام وجلا = اقبلت مثل البشاير حيّ هاك القدوم
تلقني بالغلا قبل اتلقى الخلا = ولاتلحق الخافق المجروح شرهه ولوم
واقرى تعابير في وجهي ياوجه الغلا = تستبين علوم لا راحت ولاجت علوم
اكما وانا والله إن في البلا والجلا = واصد واغض شوفي عن قبالك واشوم
اخاف من هرجةٍ فافواه ناس إجهلا = يعدي بها هافيٍ خبيث طبع ولئوم
ان غبت ماني غريبٍ عن دياره جلا = لاكن رجال تربطه الشيم والسلوم
لا تقول قلبي سلا فالبعد لا ماسلا = طايفك يرتادني مابين ليله ويوم
من كثر مادراك واحنك .. ياكاف البلا = اصارع الوقت والدنيا وكثر الهموم
لاتخاف مغليك ماودعك وماقلا = لك في كيانه غلا" حطم جميع الرقوم
في عينه المترفات .. السبع وماكلا = ومن طاح في مثبره منهن عسى مايقوم
اما كذا الحب ولا ياحبيبي فلا = يبقى وتبقى مقدر يالغلا ومحشوم
[/poem]
وسلمتو,,