قصيده جديده للشاعر الكبير مطلق النومسي العنــــزي

[رشيد الهديرس]

[poem=font="Simplified Arabic,6,white,bold,normal" bkcolor="teal" bkimage="" border="double,9,sienna" type=2 line=0 align=center use=ex num="0,black"]
صلوا على محمد رسـول النـور والهـدي المنيـر=والله علـيـه المتـكـل والله علـيـه الاعتـمـاد
سبحانـك اللهم وفـق عـبـدك الـحـر الفقـيـر=انت الكريـم المعطـي المنـان ذو الفضـل الجـواد
يارب جملنـي وانـا لـديـار اخـو مريـم سفيـر=بديار اخـو نـوره حمـاة الشـرع وحمـاة البـلاد
سـلام يالجمـهـور بالصفـيـن الاول والاخـيـر=منكم الى عنيزه الى عنـدي ومـن عنـدي وغـاد
صار الشعـر ورده وصيرتـوا لـه عنيـزه عبيـر=والـورد لامـن زاد تحتضنـه عنيـزه بـازديـاد
الله يبيض وجه اهلهـا مـن كبيـر ومـن صغيـر=والله يبيض وجـه مـن حـط المسامـه والشـداد
يحير شعـر المـدح فيكـم صـدق وبعـذره يحيـر=مدري منين القى عـذر مقبـول مـدري والوكـاد
ان الهوى ذعذع.. ومال الغصن.. والحزه عصيـر=وانا يهيضني.. ميـول الغصـن.. وانسـام البـراد
والظاهر ان الهاجـس الليلـه مـن النـوع المثيـر=تولـمـوا ..يامولمـيـن ..اقلامـكـم للانتـقـاد
عندي لكـم قصـة رجـل مايشبهـه منكـم كثيـر=لاحـب راس ..ولاخشـم ..ولاتخـضـع لـلأيـاد
بنى كيانه مـن عـدم مـن دون عـون ولاخشيـر=موهوب.. وموفق ..وعنده صبر مثمـر.. واجتهـاد
شرب السحاب وتحت رجله حـرك البحـر الغزيـر=وعلم كثير الناس وش فرق البيـاض مـن السـواد
يطمح يعيش بخيـر مـار النـاس شـر مستطيـر=ان سلم من حذف القدر ..ماسلم من حـذف العبـاد
والناس بعيونـه ثـلاث وجيـه شـر وجـه خيـر=والشـر مافـاده ووجـه الخيـر فـاده واستـفـاد
اخشن من غصون الحسك ..وانعم من اسلاك الحرير=واحلى من الصيده طعم ..وانقى من اطفـال المهـاد
فرقه عن الباقي مثل فـرق الرغـى عـن الهديـر=وعز الله انـه جاهـد العالـم علـى القمـه جهـاد
اليـن صـار اللـي لغيـره يعلـم الله مايصـيـر=لكـن هنـا للمعجـزه شـرط الـولاء والانقـيـاد
موقـف الدنيـا ومشغلهـا وحظـه حــظ طـيـر=اما غدى طـرح شبكـة.. والا عشـا طلقـة زنـاد
عنده ثقة عميا.. وعنده ذوق ..واحساس ..وضمير=وعنده شوي من الغرور ..وفيه شـر مـن العنـاد
واكثـر مايعجبنـي بـروده لاغـدت نـار وسعيـر=وبساطـة الكلمـه وقوتـهـا وتحقـيـق الـمـراد
فلا قلت له شفت القراد اللـي علـى رجلـه يسيـر=بكره علـى رجـل البعيـر يسيـر ويفـك القيـاد
يقول لي شفت القـراد ليـا وصـل رجـل البعيـر=تقـول رجلـه هيـك والا هيـك ويطيـح الـقـراد
هذي هـي القصـة وهـذا البيـت الاول والاخيـر=والله علـيـه المتـكـل والله علـيـه الاعتـمـاد [/poem]

[خــــالـــــد]

[align=center]
أبو ياسر
ـــــــــــــــــــــــــ ــــــ
شكراً لك على النقل

صح لسانك ولسانه

لاهنت
ـــــــــــــــــــــــــ ــــــ
أخوكـ/خالد
[/align]

[sha3noona almajnoona]

.

.



يعطيك الف عافيه على روعه وجمال اختيارك