[poem=font="Simplified Arabic,5,red,normal,normal" bkcolor="black" bkimage="" border="inset,10,purple" type=1 line=0 align=center use=ex num="0,black"]
الناس في جمعت الاموال مهتمه = في سوق الاسهم هذا رابح وخسراني
اسهم تداول وفيها الناس منخمه = احد ٍ يقول ارتفع سهمي واحد داني
وفي زحمة السوق يوم الناس ملتمه = جاني شراطي بوسط السوق ناداني
يقول كم السهم ووش شركته سمه = قلت ان شريت اسهمي منته بربحاني
الفرق واضح وكل ٍ يشغله همه = وانا همومي ترجح كل ميزاني
من اللي سبب سهمها قلبي نزف دمه = وانا اشهد ان الغلا للقلب سلطاني
اغليت من شانها الجيران والعمه = من توصيت قلب ماهو سوق وصاني
شهرين والعين تخطي النوم وتخمه = وان نمت حلمي لاعز الناس سراني
محتاج صدر ٍ حنون لصدري اظمه = ارعاه دامه بكل العطف يرعاني
مات الشجر لو عروقه تاصل الجمه = باسباب منهو جرح قلبي وخلاني
باسباب بنت سهمها يبرد الهمه = لو دش سوق التداول طاح خسراني
اتنزل السوق وأسهمها على القمه = من ربحها اسدد اقصادي ودياني
هي مابقالي بوقت فات و المه = واقهر بها كل عذالي وعدواني
خلك بسوقك وخل القلب في همه = غلطان في سومتك ياشيخ غلطاني [/poem]