السلام عليكم ورحمة الله وبركاته
اليكم هذه المتواضعه عسى ان ترقى لمستوى ذائقتكم
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بعدك ضاقتبي وساع المحارف=ارقى براس الرجم وانزل واعدي
مغير لبيوتك وحيك مشارف=بيحت مكنوني وبيحت سدي
نحتبك ايام السنين السوارف=يا غايبٍ غيبتك ماهي بودي
الاوله جت من وزير المعارف=والثانيه جت بين جدك وجدي
خابرك في سلم المحبين عارف=لايزعلك هجري ويزعلك صدي
دايم دموعك فوق خدك ذوارف=ريح مدام الوقت ضدك وضدي
سيل المحبه بين الاضلاع جارف=واخيالها في وسط قلبي مندي
يبرق ويرعد فوق روس المشارف=وبله غلاك ولو غلاك متعدي
منساك يا ذخر الرجال العوارف=كسبت لعيونك رهان التحدي
غلاك جاله ظل والظل وارف=من حقي اعش المشاعر واغدي
من قلبي اصرفلك من اغلا المصارف=قصايدٍ مثل العلاج المهدي
يالمنتحي ذكرك على البال طارف=وغيرك يمر مع الخيال متعدي[/poem]