قصيدة نشمي
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ان كان ابـن ذاكـر عيونـه شقيـه=انا ترى قلبي من الشـوق مجـروح
وان كان يذكـر لـه سنيـن ٍ خليـه=هو مرتكي وانا اكتب القاف وانـوح
اصغير سـن وبيـن الشيـب فيـه=شيء مقدرلي ومكتوب فـي اللـوح
جـددت قصـة قيـس والعامـريـه=في شي مالي فيه رغبـه ومصلـوح
الحـب مثـل الـورده اللـي رويـه=عاشت على جال النهر والنهـر روح
تشرب غلى صبح ٍ وظهـر وعشيـه=وبالليل ريحتها مع النسمـه اتفـوح
حركـت جرحـي يامحمـد علـيـه=وانا اكتم الاسـرار مـاودي ابـوح
مافيـه ساعـه فـي حياتـي هنيـه=وغيري قضى عمره بلذات وفـروح
ان جيت ابا اضحك باين الحزن فيـه=وان جيت ابا انسى ذكره كل مملـوح
محتار كنـي بيـن حسنـه وسيـه=سر ٍ دفنتـه صـار بيـن ومفظـوح
بالغدر اشيـل اكروتهـا فـي يديـه=يوم ٍ عطاني ظرف والظرف مفتـوح
جبت الكروت اللـي عليهـا وصيـه=وانا بسهم الغـدر ضايـع ومذبـوح
مـال الفـرح يمـي توجـه ونيـه=عايش مابين الناس جسم ٍ بـلا روح
كنت احسب ان احصون قلبي قويـه=والحصن اله جسر من الغدر مطروح
حتـى قريـت اللـي تشيلـه يديـه=وانهار ذاك الحصن وانهارت اصروح
اقسم قسـم باللـي يحفـظ البريـه=مانرخي الهامه ولانرخـص الـروح
ولاتـذل بعـد اليـوم قلبـي بنيـه=ولايهز قلبي كل مـن قيـل مملـوح
حركـت جرحـي يامحمـد علـيـه=مسموح والله يابيض الوجه مسموح [/poem]
كنت تحاول ان توقفها يابو مقعد على وقفة العجز
وتفضل الرد لو ماهو بالكثير
[poem=font="Simplified Arabic,5,black,normal,normal" bkcolor="transparent" bkimage="backgrounds/13.gif" border="none,4,gray" type=2 line=1 align=center use=ex num="0,black"]
يا نشمي الشكوى تراها خطية=مافالهوى ياصاحبي لعب ومزوح
عينت من ظرب المودة طمية=شالت حصاها يوم شافت لها ضوح
الود فوق القلب كنه ضريه=لكن انا خابرك جيد وزحزوح
منته بنار(ن) تشتعل بقرضية=اصبر وخلك عن ردا الخلق منزوح
بكره تجيك الجادل الغشمرية=بنت الرفيق الي كسب طيب ومدوح
بنت(ن) عن دروب الدنايس نقية=طحطوحة(ن)ماوالفت غير طحطوح
مادوجت بالسوق للسرمديه=ولا قاحت الارقام بيدينها قوح
معها يحصل طارد الود غيه=ولها يجاوب بالغنا طاير الدوح
ولا سولفو في عرضها السرسريه=ولا قيل معيه رقمها بس ممسوح
دور عليها والنصيحه وصيه=افهم كلامي قبل لاروح وتروح
وخذ البيوت الواضاحات الطريه= والقاف يازينه ليا جاك منقوح
هدية مني مقابل هدية=من الصدق فيها شوي والباقي مزوح[/poem]
عساها توفي بالغرض يابن عاصي