كل يوم اتشوف بالدنيا جديد
فيه زين وشين وانت وماتبي
الذكي من كل زينٍ يستزيد
وانت تخيّر شين ماقلنا غبي
بس درس ومنه لازم يستفيد
والخطا ماعصم عنه الا .. النبي
وفي علوم المرجلة جمّع رصيد
وان نصاك الضيف بالك تختبي
ليّن الجانب ولوّ انك شديد
مع قريبك وان لقاك الاجنبي
ولا تشاور غير ابو رايٍ سديد
والردي لو جاب لك راي يهبي
عامل اهل الخير بالخلق الحميد
واحترام الغير رجّال وصبي
وان حييت وشفت بالدنيا جديد
فيه زين وشين واختر ماتبي