[align=center][poem=font="Simplified Arabic,6,black,bold,italic" bkcolor="transparent" bkimage="backgrounds/27.gif" border="inset,4,black" type=2 line=0 align=center use=ex num="0,black"]
مساجله بيني وبين الشاعر / فهيد بن بشير الهذيلي
وكانت البداية لشاعرنا / فهيدالهذيلي
يقول شاااعرنا
قم يا نديبي فوق مـن صـار مطـواع = يقـرب بعيـد الـدار حـر(ن) طليعـي
فـي وقفتـه كنـه مـن الخـد مرتـاع = وليـا عـدى جـاء للواحـي مطيعـي
زوره بعيد(ن) عـن ذراعـه والكـواع = سده بعيـد(ن) يـوم صـدره وسيعـي
امضبس(ن) من عقب صيف(ن) ومرباع = يمرس كما ذيب(ن) مليـب(ن) مجيعـي
اسرح قبيل الصبح يظهـر لـه أنـواع = خـذ الخطـاب وهـات رده سريـعـي
ملفاك محسـن موفـي المـد والصـاع = يـوم(ن) عمسيـن الروابـع تضيعـي
قل صاحبك واف(ن) و موف(ن) بلسناع = ولا أرخى حساس السمع للـي يذيعـي
والسالفه ما هيـب خـط(ن) ومقـراع = في صاحب للي صـار علمـه فضيعـي
الليـا شبـر بالطيـب رديـت بالبـاع = ولو هو بكفـي زبـدة(ن) مـا يميعـي
يوم(ن) كل ٍ تـاه عـن دربـه وضـاع = من ما يعانـي صـرت مثلـه وجيعـي
واليوم يقنعنـي عـن حقوقـي اقنـاع = ابدين ٍ غموس يشيب منهـا الرضيعـي
قدمـي يكـررهـا تـراديـد بـبـراع = كنـي بوسـط البيـت عنـده منيـعـي
لا ضـاق يـا محسـن للجـواد بيـاع = وأنا أحسب(ن) القـدر عنـده رفيعـي
وهذه قصيدة الرد :
حي النديب موصـل العلـم فـي سـاع = أهـلا ًعـدد ماهـل وبـل الربيـعـي
على نجيب(ن) خطوتـه تقطـع القـاع = امـدرب(ن) ماهـوب تـوه صريـعـي
أشقـر تقـول ملمـع لــه بلـمـاع = علـى شعـاع الشمـس يلمـع لميعـي
أخـذ مـن الشيهـان زيـن التـلـذاع = وخذ مـن السرحـان عجـل الضبيعـي
يـوم يتخضـع للـواحـي تخيـضـاع = يلعب بجسـم(ن) مثـل حـد الوريعـي
جاب الخطـاب وحيـل للشيـخ منـاع = ويمكـن نحيـل المشكـلـة للدريـعـي
مايشـري الغالـي سـوى كـل طمـاع = وأنـا معـك يافهيـد بشـري وبيعـي
أنــا اتمـتـع بالمثـايـل تـمـتـاع = ومثـايـل الـعـراف زاد ٍ متـيـعـي
انطوبـع القيفـان يافهـيـد طـوبـاع = قاف(ن) يطيـع وقـاف عيـا يطيعـي
يا فهيد تشكي مـن تقـلاب الأوضـاع = وتغيـر الأوضـاع شـي(ن) طبيـعـي
هـذا زمـان فرقـع النـاس فـرقـاع = هـذاه سنـي(ن) وهــذاك شيـعـي
كـل ٍ يسـوي لـه مذاهـب وتـبـاع = وحنـا لتصريـف الدهـر نستطيـعـي
يـا صاحبـي مالـك ومـال التجـزاع = حتـى الخطيـه مـن بطاهـا تضيعـي
والا الخطأ يا صاحبي سـاس الأوجـاع = والا التسامـح هـو طـب الجميـعـي
ولا تصدق الأخبـار فـي كـل مذيـاع = لـو كـرر النشـرة بصـوت المذيعـي
وصـلاة ربـي عـد ماهـب ذعــذاع = علـى النبـي الهاشـمـي الشفيـعـي
وسـلامـتــكــم يـالـغـالــيــن [/poem][/align]
رد مع اقتباس
-new.gif)
