كيفكم زعماء..؟ كيفكم زعيمات ..؟
إقتباس:
تكفل الاستاذ حسن الناقور في مباراة الهلال أمام فريق الاتحاد مساء يوم الاثنين القادم في ملعب الامير فيصل بن فهد ( الملز )بمصاريف الالتراس ومجلس الجمهور الهلالي وكذلك بالقطع والشرايط القماشية والتي ستغطي القسم المخصص لجمهور الهلال من اعلى الى اسفل فوق الجماهير والتي نأمل من الجمهور الهلالي التعاون معنا خصوصا ان اللوحه تحتاج إلى تعاون جميع الجماهير فيها وستكون مدتها دقيقة واحده
*بـ العامية
راح اختصر عليكم الكلام ..عشان تكون اوضح واسهل للقراءه وتوصل المعلومة بشكل اسرع
طبعا في كل مباراة وحنا نكتم قبل المباريات بنسسوي وبنسسوي ,,اتكلم عن طرق جديدة للجمهور
ولما نروح المدرجات وبكل حماس ,,نتحطم لان كل الي نبي نسوية او اتفقنا عليه مانشوفه في
المدرج ,,والسسبب واضح هو اهمال بعض الجماهير بالتعاون مع المجلس الجمهور الهلالي
يا زعماء ترى الجماهير المجنونة في اوروبا والدول المجاوره تسوي امور وطرق للتشجيع بشكل
مذهل وانتم تشوفون باعينكم ,,غصبآ عليك تشوف المباراة لو انها بين افرقة متوسطه لان جمالية
الجمهور وجنونهم خلتنا نشوف المباراة ,,طبعآ امور وحركات صعبة ننفذها بـ يوم وليلة عندنا
لكن ما طلبه مجلس الجمهور الهلالي هي ( اشرطة واقمشة توزع ع الجمهور ) تعطي جمالية
بشكل ما تتصورون وراح تستمتعون وانتم تشوفونها بالمدرجات وراح تكون افتتاحية للمباراة
بشكل لافت,,عكس ما تكون ( الدخلة ) هادية وتشجيع وتصفيق اقل من عادي وبعدها الكل نايم
واعصابه مشدوده للمباراة ,,لـ متى وحنا كذا نادي الافضل اسيويا ولاعبينه عالمين لكن يقابله
جمهور اقل من عادي وبشكل غير متوقع ,,اتمنى اتمنى منكم الحضور للمباراة المهمة جدا جدا
انا بهـ الموضوع ومن الان نبيها تحدي وتحدي وتحدي اننا بنطبق الحركة ونرفع الاشرطة والقماشات
في مباراة الاتحاد وعندي امل انها بتطبق بشكل جميل خاصة في هذي المباراة
ترى جمالية الجمهور راح تكون مجنونة ومذهلة لما نسويها ,,,تتوقعون نسويها ونستمتع.؟
لكل من يحضر ويجلس في الواجهه يطبق هـ الحركة
واتمنى انكم تنفذونها خاصة هذي المباراة كلها دقيقة واحده
نخليها تحدي بين انفسنا ولا لا يا زعماء .,..؟
ترى تعطي جؤ جميل مع بداية المباراة :yes:
مخرج 5 )
_الخبر بخصوص جيرتس وعودة للهلال افرحني كثيرأ حتى لو كان غير صحيح
_ البعض ينتقد وينتقد اتمنى مره يفكر في شكل الجمهور ومشاكلها
البايسن:ba1:
رد مع اقتباس