السلام عليكم ورحمة الله وبركاته
مصافحه اولي ارجو ان تنال على اعجابكم
اليكم
[poem=font="Simplified Arabic,5,blue,bold,italic" bkcolor="transparent" bkimage="backgrounds/8.gif" border="none,4,gray" type=1 line=0 align=center use=ex num="0,black"]
ألاياوجودي وجد منهو غريـب الـدار=وحيد سكن في غربته دار الاجنابـي
رحل وارتحل يوم الزمن والفلك له دار=وسكن في ديار مابها ونس واقرابـي
على اللي بحبه شتت الفكر والافكـار=مزوحٍ ضحـوكٍ بالمحبييـن لعابـي
غرير على غرة جبينه كمـا الانـوار=اخوه القمر مانـي بزايـف وكذابـي
سحرني سحرني ياهل العرف بالانظار=لياغضى بعينه قلت موتي والاسبابـي
ليا لد فيـه بالنظـر قلـت ياستـار=عسى الله يحل عقود سحره والانشابي
على سبته ولع بقلبي لهيـب النـار=تزايد لهبها كن بالجـوف مشهابـي
تزايد لهبها ياهل العـرف والاشـوار=محبة عزيز من عزيزيـن الاحبابـي
على غيرها متلـد عينـي ولاتختـار=وأباأقول جرحي منك يازين ماطابـي
ألاليت ليتك ترحـم القلـب ياسحـار=فؤاد تعـذب مـن محبتـك منصابـي
وأنا لو أحاول واخفي اللى عليه صار=تفضحت بدموع على الخـد سكابـي [/poem]