السلام عليكم
اسعد الله اوقاتكم بكل خير
مشاركه اتمنى ان تنال اعجابكم واسمحولي على البطا
[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
حاولت أخفّ الشوق والشوق عيّا=ماعاد فيها يا حبيبي كمايه
ياغايتي ماعاد فيها كنيّا=الصدّ و الهجران بيّح خفايه
من قال لك فيّه تسوّي كذيّا=اللي حصلّ لي من عذابك كفايه
ياكامل الاوصاف سمح المحيّا=يابو خدودٍ كنّهنّ المرايه
انت القمر و الغيد مثل الثريّا=لاتقطع اوصالي وتقطع رجايه
مالك شبيهٍ في الجزيره هنيّا=ومن الجمال اليوسفي فيك شايه
بأسباب هجرانك ماغير آتويّا=الشوق ذابحني وقطّع حشايه
غيرك بدون امجامله ما يحيّا=لو دلّع البرقع و شدّ العبايه
وش جاب منفوحه لحيّ العليّا=يامسويّ ٍ زحمه كفايه .. كفايه
ياكبر حظّي كان وصلك تهيّا=رزيت لي في عالم الحبّ رايه[/poem]