الدرس الثالث من دروس الشعر النبطي ( الصخـري ) ... أمل عبدالعزيز ...

[وجــــدان]

السلام عليكم ورحمه الله وبركاته...


شكرا للاخت وجدان على التصحيح

واسف على الموضوع بس كنت ابي اعرف القصايد ماهي بحورها

ولم اكن اعرف ان كتابت الموضوع بهذا المكان غلط :(

ومن حيث الاسئله لا استطيع ان اسئل عن قصائد كثيره

المهم هذا تطبيقي وانشاءلله يكون مضبوط لان اتوقع اني جبت اللحن صح


انتظر عودتك ...









وش الـي مـزِعلك بـالله قلي .. وانا ماقوى عـلى صدك ياخلي

انـا ماقوى اذا تـقـوى عليه .. يـالغزي ويـا سؤالي يـاحلي














اخوكم : صالح الحنيان

الأخ صالح الحنيان

العذر للتأخير وفي البيت الثاني أيضاً الوزن ماضبط معاك ولو قلت :

أنا ماقوى اذا تقوى بصدّك .... يالغزي في الهوى وياكلّ حلّي

كان ضبط الوزن تمام

بانتظار تطبيق آخر منك وبيكون مضبوط وزنه ان شاء الله

صح لسانك وتحيتي لك

[وجــــدان]

هذي محاولة ..

سلام الله بعثه بطيب خاطر

معطر بشدا الفل والكادي

الاخت غادة اليم

هلا فيك في الصخري

محاولتك في الشطر الأول سليمه رغم سقوط حرف من كلمة ( بعثته ) والشطر الثاني ماضبط الوزن معاك وبالتعديل البسيط عليه :

سلام الله بعثته بطيب خاطر .... معطّر بأجمل الحرف وعطوره

ننتظر تطبيق آخر منك واكثر من بيت ياقمر

صح لسانك وتحيتي لك

[محمد نايف العتيبي]

السلام عليكم ورحمه الله وبركاته


بيتين للمشاركه واتمنى ان تحوز على رضاكم :

[poem= font="Simplified Arabic,5,skyblue,bold,normal" bkcolor="black" bkimage="" border="double,5,black" type=1 line=0 align=center use=ex num="0,black"]
ضروف الوقت ياخلي صعيبه=وهذا الوقت ياخلي وعيبه
لك الله ماقدرت انساك ليله=ولكن كل مخلوق ونصيبه
وعن قول العواذل ماستمع بك=ولاهمي بمنطوق ٍ تجيبه
وشف هذي سوايا الحب فيني =صغير وبان في راسه مشيبه[/poem]



تحياتي لكم :
محمد بن نايف

[محمد نايف العتيبي]

الاخت غادة اليم

هلا فيك في الصخري

محاولتك في الشطر الأول سليمه رغم سقوط حرف من كلمة ( بعثته ) والشطر الثاني ماضبط الوزن معاك وبالتعديل البسيط عليه :

سلام الله بعثته بطيب خاطر .... معطّر بأجمل الحرف وعطوره

ننتظر تطبيق آخر منك واكثر من بيت ياقمر

صح لسانك وتحيتي لك

سلام الله (بعثته)بطيب خاطر ..... معطر بأجمل الحرف وعطوره



الله يعطيك العافيه اختي وجدان ..


لكن كلمه (بعثته) ثقلت الشطر حسب مااتضح لي ...

لو كتبت :

سلام الله يزّف بطيب خاطر ......معطر بأجمل الحرف وعطوره



وكل الشكر واسف على تدخلي لاني للحين طالب ...




دمتي بخير


محمد بن نايف

[صالح الحنيان]

.
.
.
.
.


الا يـالله يـاعالم فـي حالي .. يـاوالي كل الخلايق يـاوالي
تفرج عن اللي همومه عذبنه .. كـل همه رحمتك يالله العالي


.
.
.
.

[عيسى البلوشي]

السلام عليكم ورحمة الله وبركاته ،،


بعد المعاناة والترحال في صفحات الشبكة العنكبوتية والبحث عن معلم ، امتد اليأس وصار البحث عن معلق أرى منه بعض الملاحظات ، إلا أنني اليوم ولله الحمد وجدت الأمل في هذا المنتدى وبه سأخطوا واثقاً بإذن الله إلى الحلم ..

ولأوضح بعض الأمور عليكم أحبتي فإن كتابتي هي بالفطرة وللأسف لم أجد من يأخذ بيدي ليغرقني في أنواع البحور وأقسامها ، كما أنني أجهل معاني التفعيلة ، لذا أحتاج إلى التعلم والتوجيه ..

كي لا أطيل عليكم هذه قصيدة أو مشاركة كتبتها منذ عدة أيام أعرضها على ميزانكم لتوجيهي وتعليمي وتصحيح أخطائي :

يطول الليل وأحلامي تنادي .. وهمومي مع القمرة سهيرة

أناجي ظلمة تسكن فؤادي .. وتنثر مزنتي سيول غزيرة

يسقي طهرها عشق المدادي .. ويغسل في معانيها حريره

ويكسيني بها الثوب الرمادي .. ثلاث شهور وأيامي ضريرة

تضيعني على دروب النكادي .. يمر الغيم وجناحي كسيرة

خفيت الدمع وبين الناس شادي .. عسى يا عين تبقيها ستيرة

اعزف ضحكتي واكتم حدادي .. صفاء المى ماهو من خريره

صروف الدهر تبقى في تمادي .. تحاول تخنق العبرة الأسيرة

وشوق(ن) لو خفاه الضلع بادي .. وضلعي ما قوى علوم(ن) كثيرة

وطيفك ما نوى يخلف معادي .. وكرى ليلي ترى يعرف مصيرة

أشوف القلب يبادلك الودادي .. ويسري لك ولو عيا مسيره

انت الحب وانت لي مرادي .. وانت فرحة أيامي المريرة

وطول الليل وعيوني تنادي .. هموم(ن) لي مع القمرة سهيره


اعتذر عن هذي المشاركة ولكن اتمنى من الاخوة ضبطها وتنقيحها وبيان اخطائها وتصحيحها ..
وخاصة من ناحية الوزن ..

ملاحظة : أنا رجعت لدروس الأوزان لكن للأسف لقيت امثلة البحور ما تظهر ؟!

ولكم جزيل الشكر


اخوكم
عيسى

[وجــــدان]

الأخ عيسى البلوشي

هلا ومرحبا فيك في المنتدى وفي المدرسه الشعريه ويشرفنا وجودك مع الاخوه هنا

وفي البدايه اسمح لي أدمج هذا الموضوع مع الدرس الخاص بالبحر الصخري لأن قصيدتك على وزن هذا البحر وصح لسانك مليون ولي عوده بحول الله بالملاحظات الموجوده على الوزن في بعض الأبيات

صح لسانك مره ثانيه وتحيتي لك

[وجــــدان]

سلام الله (بعثته)بطيب خاطر ..... معطر بأجمل الحرف وعطوره



الله يعطيك العافيه اختي وجدان ..


لكن كلمه (بعثته) ثقلت الشطر حسب مااتضح لي ...

لو كتبت :

سلام الله يزّف بطيب خاطر ......معطر بأجمل الحرف وعطوره



وكل الشكر واسف على تدخلي لاني للحين طالب ...




دمتي بخير


محمد بن نايف

الأخ الشاعر محمد نايف العتيبي

يعطيك العافيه على التعقيب وتعديلك سليم وأيضاً ماكتبته الاخت غادة اليم في الشطر الاول سليم ولايوجد ثقل بغناء الشطر

شكراً لمتابعتك وحضورك

تحيتي لك

[وجــــدان]

.
.
.
.
.


الا يـالله يـاعالم فـي حالي .. يـاوالي كل الخلايق يـاوالي
تفرج عن اللي همومه عذبنه .. كـل همه رحمتك يالله العالي


.
.
.
.

الأخ صالح الحنيان

للأسف لم توفق في هذا التطبيق الا في الشطر الأول مع وجود ثقل فيه والصحيح :

ألا يالله ياعالم بحالي

علماً بأن هذا الشطر مشهور من قصيده لا اذكر صاحبها وربما هو توارد افكار فقط

تحيتي لك

[عيسى البلوشي]

وجــــدان


مشكورة مشرفتنا الكريمه على الرد وما كنت اعرف ان القصيدة على هذا الوزن ..

سلمتي مليون مرة وفي انتظار الملاحظات بفارغ الصبر ..

[وجــــدان]

الأخ عيسى البلوشي

هذي ملاحظات الوزن على القصيده ماعدا الأبيات الخمسه الأخيره

يطول الليل وأحلامي تنادي
وهمومي مع القمرة سهيرة

الشطر الأول سليم والثاني بيكون موزون لو قلت :

وانا عيني مع القمرا سهيره

أناجي ظلمةٍ تسكن فؤادي
وتنثر مزنتي سيول غزيرة

الصدر سليم هنا والعجز بيكون موزون لو قلت :

وعيني تنثر دموعي غزيره

يسقي طهرها عشق المدادي
ويغسل في معانيها حريره

يسقي بتشديد القاف ( يسقّي ) الشطر موزون والعجز موزون ومايحتاج لاي تصحيح مع غموض الصوره في البيت

ويكسيني بها الثوب الرمادي
ثلاث شهور وأيامي ضريرة

في الصدر ثقل بسيط ولو قلت :

ويكسي وقتي الثوب الرمادي ،،، بتكون موزونه والعجز هنا سليم والصوره في البيت روعه

تضيعني على دروب النكادي
يمر الغيم وجناحي كسيرة

البيت سليم وموزون هنا لكن مفردة ( جناحي ) بنغيّرها لـ ( أفراحي ) على سبيل المثال عشان تتوافق مع كلمة ( كسيره )

يمر الغيم وافراحي كسيرة

خفيت الدمع وبين الناس شادي
عسى يا عين تبقيها ستيرة

في الشطر الأول هنا خلل وبتعديل بسيط بيكون :

أداري عبرتي واظهر عنادي

والشطر الثاني سليم وموزون

اعزف ضحكتي واكتم حدادي
صفاء المى ماهو من خريره

الشطر الأول جميل وبحاجه بس لحرف في كلمة ( أعزف ) وبيكون

أبعزف ضحكتي واكتم حدادي

العجز سليم والصوره في الشطر جميله أيضاً

صروف الدهر تبقى في تمادي
تحاول تخنق العبرة الأسيرة

ممتاز وموزون صدر وعجز

أخوي عيسى بما أنك ماقريت الدرس للآن بترك لك الخمسه أبيات الأخيره تتأكد منها بنفسك بعد ماتقرا الدرس والتطبيقات اللي فيه والأمثله الغنائيه وبنتظر حضورك بعد كذا وتعديلاتك على الخمسه أبيات اذا هي محتاجه تعديل

صح لسانك وماشاء الله عليك انت شاعر بالفطره ومسألة وقت بسيط ومراجعه للبحور وتكرار التطبيق عليها وبتكون على الطريق الصحيح

تحيتي لك

[محمد نايف العتيبي]

السلام عليكم ورحمه الله وبركاته


بيتين للمشاركه واتمنى ان تحوز على رضاكم :

[poem= font="Simplified Arabic,5,skyblue,bold,normal" bkcolor="black" bkimage="" border="double,5,black" type=1 line=0 align=center use=ex num="0,black"]
ضروف الوقت ياخلي صعيبه=وهذا الوقت ياخلي وعيبه
لك الله ماقدرت انساك ليله=ولكن كل مخلوق ونصيبه
وعن قول العواذل ماستمع بك=ولاهمي بمنطوق ٍ تجيبه
وشف هذي سوايا الحب فيني =صغير وبان في راسه مشيبه[/poem]



تحياتي لكم :
محمد بن نايف

8
8

[عيسى البلوشي]

وجــــدان

مشرفتنا العزيزة شاكر لك تعقيبك ومتابعتك ، ويسعدني ان تكوني أول من ياخذ بيدي ، عدلت آخر خمس أبيات وراح تكون :-

وشوقي وان خفاه الضلع بادي .. وضلعي ما قوى علومٍ كثيره

وطيفك ما نوى يخلف معادي .. ومن يخلف ما يجهل مصيره

أشوف القلب يبادلك الودادي .. ويسري لك ولو عيا مسيره

تبقى الحب وانت لي مرادي .. وانت فرحة أيامي المريرة

امممم حاس اني ما توفقت في التعديل ، يمكن المدات خانتني في التلحين



أنتظر التعديل ، والسموحة

[غادة اليم]

طيب هذي الإعادة ..( :

سلام الله بعثه بطيب خاطر

معطر بريح الورد والكادي

وهبته لطيبن بالقلب ساكن

لروحن تسكن نفسي وفؤادي