,
,
,
يقال أن أحد الحكماء أعطى اولاده ( وراعينه يعني لغير العرب) عصيان = مفردها عصا وقال لهم يالله كسروها المهم جاكم واحد من بزارينه قوي مرة وقام كسرها بيد وحدة
قال أبوه انقلع لابوك لابو من يعلمك الحين أنت خربت الطبخة
.
.
هذا طبعاً مدخل للسالوفة ألي بقولها لكم وهي كالتالي:
أحيان الواحد منَّا يجيه أفكار
وهي على ثلاثة أنواع:
النوع الأول:
أفكار مهببة = زي الطينة = مصايب = بلاوى متلتلة = خرابيط برابيط
وهالاأفكار ياكثرها في روس شبابنا هداهم الله
يعني تحس الواحد عنده مخ خطير بس للأفس مايستخدمه غير في البربسة وماسبق ذكره أعلاه ولاحد يقول عيدي لأني وربي مافيني حيل أعيد
طبعاً كل فرد منكم لابد أنه يجيه حالة الأفكار المهببة والمطينة بمية طينة
فمثلا الواحد يفكر أنه يروح يشارك في برنامج ستار أكاديمي بس صوته الله بالخير وشكله أخس وأخس وتصرفاته غير لبقة يعني لو يمزح ممكن يفقع وجه الى جنبه ولو كان معاه بنت في الأكاديمي ممكن يخرب أبو جد الطبخة ويبدأ يطاردها من قرنة لقرنة وهاتك ياترقيم وخذوا من المهايط عاد على مسجات ( طخ أم طخ) :bruce_h4h
مثلاُ نتخيل يكون المشارك اسمه شليويح ويدلع نفسه شلحه
والبنت الى معه اسمها كاثرين ودلع نفسها كراث :نيني:
طيب تجيكم المسجات شيء يطير القلب
يعني/
ياكراثة وخري عنه انت وريحتك الخايسة
وأخرى/
ياشليويح بشويش على نفسك وخل عنك الورعنة
وأخرى:
كراثة ياثومة يامدلعة لاتتلزقين بشلحة تراه مهوب لمك
وآخرى:
شليويح وربي ماحقك غير بعير وحمارين وعلى خط النعيرية موب أكاديمي أنت ووجهك
..
فاصل= بريك لعيونكون الحلوين حبايب ئلبي المقانين:
هل تعلم؟
طيب عساك ماعرفت
؟؟
يمدحون التايد للغسيل
ويمدحون النوم للمهابيل
ويمدحون الفيري للفناجيل
ويمدحون الباند للماصلين
ويمدحون العصير للحلوين( أنا طبعاً :خجل: )
عدنا
000000000000000
عدنا
ن
ولينا
لا
عدنا===
راعي الأفكار الثانية وهي الأفكار القديمة
هذا عاد شيء خرافي عايش في قرن قم ارقد ماعنده سالفة
تقول له مثلاُ ثور يقول لك احلبه؟
هاااااااااو ياخي خلاص ولى زمنك وأفكارك كلها قمل وبق وديناصورات بعد
معاد تييز لنا في هالزمن( تييز= تصلح لنا = تناسبنا = أها بس)
فياليتك تطور من نفسك؟ ياخي البوكيمون تطوروا أنت ماتقدر؟ سبحان الله
العالم وصلوا للقمر وأنت باقي على أفكارك القديمة ومصدية بعد
-------------------
فاصل
بريك
لا مايمدييني وربي مافيني حيل أسوي أي دعاية غير اشربوا حليب يامال العافية لأنه يقوى العيون ويخليها تسنها عيون بومة
--------------
\
عدنا
آخر نوع وه صاحب الأفكار الجيدة الجريئة الحلوة الزينة الذربة الى عليها الحاجب يوقف والعين ترمش والفم يقول( هاااه))
وهذي الأفكار بصراحة كثروا منها وياليت يكون فيه نسخة أصلية مانبي تقليد مثل الناس ألي تفيد المجتمع بأفكارها الزينة للرقي والتطور
يعني واحد يسوى موضوع من بنات افكاره ياسلااااام:واو:
وآخر ينظف أسنانه ويكتب عن تجربه سواها في نفسه ونجحت
شخص كان يتتن = يدخن = يزقر( يشرب زقاير) هههههههههه يكتب لنا كيف قدر يخفف ثمن تاب الله عليه وصار يذكر ريحته يوم كان راعي تتن ويقول عن نفسه( كيف كنت عايش بين الناس بريحتي الخايسة وع وع وعين)
أمور مثل هيك تفيد المجتمع وترفع من معنوياته وتحفظ له بنياته
مانقصد البنات الإناث السحالي بل بنيات ألأفكار السنعة ألي تعجب الواحد وتخلي النفس منبسطة
عمومن في الختام أحب أهدي سلامي لأمي وابشرها أني نايمة لي يومين وماصحيت غير اليوم ولأجل هيش نزلت موضوع بالغربلة جديد
وبص
إلا صدز على الطاري كم سعر سهم المواشي؟ يقلون أنه وقفوه
بس أنا لازلت شايفة الخرفان ماعلاااها من الهيئة بتوعت السوق وتسرح وتمرح على حل شعرها في البراري :مدري:
ههههههههههه
أخيرن
تقبلوا سلامي وصباحكم سنكر مسنكر بكل السناكر
نبض شرايك فيني؟
نجولة أحلفي علي أني ماأقوم من هنا إلا وأنا معي اشارة تميز بموضوعي ألي ماله سنع كسابقيه
وفي الختام
<== عيت تطيعني الخاتمة وش أسوي؟
تدرون
برررررررررررب كبر خشم فوشي
أوه نسيت
غير منقول
يعني بقلمي
يعني ياحلوي بس