ياطير يالي تكفخ الريش ياطير
..................اسمع وقافي للريش العين وده
ياطير حدتنا ظروف المقادير
.....................ماهوب لا ودي ولا هوب وده
ياطير قله بس يذكرني ابخير
...................ان كان لي عنده بواقي موده
ياما على شانه سرينا مداوير
.....................يجزع لنا من سهرنا شط جده
وياما جمعنا فالحروف النواثير
..............نصوغها من قلب في وصف خده
وياما نخينا متيهين المعاشير
.........................نبا على ماجاه منا مرده
نبا الخبر لعلها له تسافير
..................وشلون حاله عقب طول مصده
وين ارحلو به دافعين المخاسير
.................من ظرب عود ٍ لا رحم خشم جده
ياطير ود وهات سهر وتفاكير
.......................عجل ترا ماللحشا ما يشده
اما تجي ولا ورثنا من الزير
...................سيفه ورمحه والشجاعه ويده
واخذ معي بعض الرجال المناعير
....................اما رضا ولا اوصل العلم حده
نسوقهم سوقة شليويح للعير
......................وقول عني راح والوقت ضده
واحط حفله وارقصن ياغنادير
...............وقولن على شاني جديله يكده
اصبح صباح الخير نوم ومشاوير
....................اقوم من نومي واضم المخده
ياطير حلم وقل عسى خير ياطير
.....................مابه خساره دام بالحلم وده
رد مع اقتباس
المشاركة الأصلية كتبت بواسطة النرجسيه
[/align]
