السلام عليكم ورحمة الله وبركاته
اخواني اعضاء وزوار منتدى غرابيل الموقر
اضع هذه المتواضعه بين ايديكم واتمنى ان ترقى الى مستواكم وتحوز على رضاكم واستحسانكم
ومناسبتها في البيت الرابع بين قوسين
بسم الله
[poem=font="Simplified Arabic,6,black,bold,italic" bkcolor="skyblue" bkimage="" border="none,4,gray" type=2 line=0 align=center use=ex num="0,black"]
نفس الرجل منهية ن ماموره = والاجودي خيره يرد شروره
والا الضعيف لا تطاول راسي = حنيت راسه حنية الباكوره
يقول كلمه ماعرف معناها = يصنف العالم حسب منظوره
(يقول يالعتبان هاكم علمي) = (ماتعرفون اصل الغزل من دوره)
وبعض العلوم اليا نطقها جاهل = الرد جاهز صوت والا صوره
حنا ترانا عاشقين المهره = بنت ن بقت بين العرب مشهوره
تغضي لنا بالطرف ونغازلها = تعجب وتلفي ماهي ابمعذوره
وان كان ماجتنا بطيبة خاطر = جت بالفعول اللي مهي منكوره
الها مهر بالطيب قبل القوه = واشروطها عند العرب مخبوره
ماكل واحد تعجبه ياخذها = ولاهي لواحد فالعرب محجوره
فالوقت الاول والزمان التالي = كم دونها كبدن بقت مقهوره
المرجله ربعي لها عشاقه = وبنت الشرف في بيتها مستوره
والا انت خلك ياردي النيه = من بعد ساره رح وغازل نوره
هاذا كلامك ماظلمتك لله = ماني وكيل العالم المغروره
استر على نفسك وثمن هرجك = واحذر تجيب الكلمه المحظوره
وماكل علم ن للرجال اتقوله = منت بصحيفه ياولد منشوره
واخر كلامي لو يطول لسانك = يكفيك قول الكلمه الماثوره
الاوله من طيبنا ندمحها = ماهيب لحية ذل والا بوره
والثانيه معها مهو من شانك = من شان بعض اصحابنا مطموره
والثالثه تثبت لو اتكررها = ضربتك اب يمنن مهي مكسوره
دون القبيله مانهاب امثالك = والكفو لامن قام يحمي دوره
وقفة شرف ماهيب وقفة ذله = والراس راس ولايعود عوره
جاك الكلام اللي يبيض وجهي = والرد يكفي صوت طبق الصوره[/poem]