السلام عليكم ورحمة الله وبركاته
حروف متناثرة هنا وهناك أبت إلا أن تعانق ذائقتكم
.
.
.
أنا راحل عن دروبك
مادام انك تشوف ان المحبة
في قواميسك
حروف اجرام
أنا راحل عن ظعونك
مادام انك تشوف البعد
عني لك هوى إكرام
أنا راحل
قبل ما تكبر جروحي
ويهدم ظنك صروحي
وتفقد كل احاسيسي
معانيها
ويصير الحب
حطام أوهام
انا راحل
ولا ابي تشيل من همي
أنا كنت بزماني مخاوي غمي
وحتى الذكريات اللي بنيت بهاجسي صارت
طيوف احلام
أنا راحل
بدوّر للنقا ساحل
وبعزف ونتي بالليل
واخاوي دمعتي وسهيل
وإذا مليت
ابطلب من مجاديفي
حروف الهام
مودتي