[poem=font="Arial,4,darkblue,bold,italic" bkcolor="transparent" bkimage="backgrounds/47.gif" border="ridge,6,sienna" type=2 line=0 align=center use=ex num="0,black"]
العيـــــدماشفت له لذّه بليّاك= ياعيدعمري وريحانه وفله
غبت أول العيدوالقلب يتمناك= وشلون أجل لوتغيب العيد كله
لوغبت ماغابت من البال طرياك=كل المشاعرعلى شوفك تولّه
أشوف طيفك هناوهناك وهناك= ويفّزقلبي لذكرك من محله
أدوّرك في زواياالقلب وألقاك= لك صورة ٍمرمسه داخل سجله
عجزت تصاريف كل الوقت تمحاك= وصفك يمّرالخفوق ومايمله
حطيت لك في سويداالقلب شبّاك= تنام عن لاهب الفرقى بضله
وأناتجلّدعلى جمرك وفرقاك= وأسامحك بالخفاعن كل زله
معميني الحب عن كثرة خطاياك= والقلب كثرالوله يمّك يتله
لوقلت اباالقى مع العالم حلاياك ماهو بكيفي غرامك مستحله
قيّــــــــــــدتني بالغلا منّاومنّاك= حتى طريق الهوى ماعاد أدله
تعـــــــال أباأسمّعك لحن ٍتغناك= قصــــــايد ٍ مثلها ماأوحيت لله
وإلاّ القوافي عساها من فداياك= شف كيف لاشافتك جت مسفهله
تعال وإجلس على زلّك ومركاك= إقدع من إخلاصي وفنجال دله
لاجيت كنّك تجيب اغلاهداياك= ماأغلامن االخل لامن جاه خله
العيـد جانا و لاتقفي مطاياك= وان رحت أبالك تغيب العيد كله[/poem]