السلام علاكم
يمسيكم بالخير جميع
هذي القصيده للشاعره بنت ابوها
اذا المراجل لبسة شماغ وعقــــــــــــال
قل للعذارى يلـــــــــــــــبسنّ العمايــــــم
ما عـــــــــــاد يفرق زول حرمه ورجال
دام الفعـــــــــــــــايل تشبه البعض دايم
المرجله ما هيب كلمـــــــــــــــه وتنقال
وتروح ما راحت هبوب النســـــــــــايم
وإلا خشونة صـــــــوت أو رفع الأثقال
أو رزة صــــــــــــدور وفعل الزلايـــــم
ولا هي بعد مفتاح موتر وجـــــــــــوال
وإلا ردى لســـــــــــانن حديثه شتايـــم
المرجله شيمه عن القيل والقــــــــــال
رفيع نفس (ن ) حر بالجو حـــــــايم
المرجله عقلٍ وزن وزنه جبــــــــــال
ودون العقل وش فرقنا والبهــــــــايم
يا مسندي لو مايل الوقت بي مــــال
يا ولد أبويه يا عــــــــظيم العزايـــــم
يا معرب الجدين من العم والخــــال
يا نخوة المـــــــفزوع وقت الهزايـم
لمرجله يا خوي هي طولــــة البال
هي العزم هي الصــــــــبر فالظلايم
فيها الكــــــــرم عزه دله وفنجــــال
فيها الكرامه عن ردى الطبع شايم
والدين لامنه خذا القلب مــــــــنزال
مشى طريق الحق وابليس نـــــــايم
ومن لا عرف ربه في طيب الحــال
لابد وقت الضيق بالهم هــــــــــــايم
حتى صلاتك مع جماعات ورجـــــال
في خيرها يا خوي نعم الغنـــــــــايم
ولامن نصف ليلك قم صفي البــــــال
يا عظم أجرك بين ساجد وقـــــــــايم
ولا من رفع ربي له كل الأعمــــــال
حسن الذكر لا قالو فلان صــــــــايم
وخلك شريف القصد يا طيـــــب الفال
سوء المقاصد فالبـــــــــيوت الهدايم
واحذر تبيع النفــــس في دب الأنذال
وتتبع خوي إبليس راع النمــــــــايم
النفس خيـــــــــــل لك إذا كنت خيّــال
ومن لا قوى نفسه قوته الـــــــهزايم
ولا صرت ما تدري ليش أنت رجــال
والله خسارة فيك ذبح التمايـــــــــــــم
< الموضوع اهداء لاختك ياصبي لاعدمتها :مزون:
رد مع اقتباس
