[poem=font="Simplified Arabic,6,blue,normal,normal" bkcolor="transparent" bkimage="backgrounds/19.gif" border="none,5,gray" type=2 line=0 align=center use=ex num="0,black"]
يالله يارحمن ترحم حالي=ياخالق الاكوان يامتعالي
عليك ياربي ابثّ الشكوى=ياوالي ٍ ماغيرك احد ٍ والي
يارب تغفرلي وترحم ضعفي=ولاتؤاخذني بسوء اعمالي
يالله جنبني الخطا والزله=وجنبني التقصير والاهمالي
انا برجا عفوك ولالي غيرك=لاضاقت دروب الحياة قبالي
ارفع يديني واطلبك سبحانك=من غيرك اللي يحقق الامالي
انت الولي سبحانك المتفضل=خيرك علينا دايما متوالي
يالله زدني من هداك وعلمك=وافتح على قلبي وريّح بالي
وانك تكافيني شرور الدنيا=وتعيذني من صحبة الانذالي
اللي معرفتهم تنزل قدري=وهروجهم ماترتفع لامثالي
اهل النمايم والحسد والغيبه=واشياءلا تذكر ولاتنقالي
يالله جنّب دربهم عن دربي=ولاتجيب افعالهم لافعالي
الله ياكم واحد ٍ صادفته=يقطر لسانه بالكلام الحالي
وان غبت عن عينه لحقني شره=وهو يتلبس لي بلبس الغالي
اللي مثل هذا كفاني شره=اشوالي اترك علقته اشوالي
وآخاوي الطيب وادوّر قربه=حتى لو اشري خوته من مالي
اللي قبل بيته فتح لي صدره=وانصاه بالشده وهو ينصالي
هذاك هو شفي وهو مطلوبي=انا اشهد انه خوّته تحلالي
وبعض الامور الهينات تبيّن=وتوضح الصادق من المحتالي
اعرف صديقي لا بدت لي حاجه=واعرف صديقي لانقطع جوالي
ياكثر ناس بالرخا نعرفهم=لاكنّهم بالضيق مامن والي[/poem]
[align=center]للجميع مودتي وتقديري [/align]