أتمنى أن تنال اعجابكم واستحسانكم
[frame="7 80"][poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياهاجســـي درهم كما شمخ النيب= سفن الصحاري للفجـوج الوسيعه
واقنب على راس الجبـل كنك الذيب= شهــــــب يذبــن الخــرايم طـبـيعه
وابعــد مجال يقــرب الشك والريب= وطلــع مطاليــع النجـــوم الرفيعه
وحــذر من الزلـه وجنـب عن العيب= خلك كما ســور الحصــون المنيعه
وضرب بشلفا مثل شلفا تراحيـــب= وبــــذل من المجهــود ماتستطيعه
دام الرساله منصها راعــي الطيب= لا زم تجيــك جنون شعـرك سريعه
قم يانديبي وانت خيــر المناديب= شرواك يلقى في نهــار الفجيـــعه
انهج لبو تركي وعطه المكاتيب= والله عطاك اليــوم والي تبيــــــعه
سلام للي ماجهــل فالمواجيــب= يمنــاه للمعــروف يمنــا متيـــــــعه
سهل عليه يرتب القاف ترتيـــب= خلا المعـــاني لومـــرها تطيـــــــعه
انا خيالي معتلي بالمــــراقيب= ماكنـــه الا نــادر في رفيــــــــــعه
لامن هوى للصيد كن المخاليب= سيــف تولتــه اليديــن الشجيــــــعه
منه الحباري لضربهن معاطيب= جروحهـــن من طيب فعله شنيـــــعه
من خلقته مادوجوبه على جيب= ولا قد عرض فالسوق لاجل المبيـعه
امعنت فالدنيا وشفت التعاجيب= يلعنــــك يادنيا العنا والقطيـــــــعه
ماحسني حب البني الرعابيـب= ولاحسنـي حب المهـــار الصنيـــــعه
مغير احسب دورة الوقت تحسيب= وقت علينــا قــام يجمــع جميـــــعه
من كل يمه دارت ابنا الدواليب= لين النجيــع ابغض مناجــع نجيــعه
ترزم من الشطات حرش العراقيب= وامست كبيرين الشواكل مجيــــعه
يبغونها سهله وجتهم عواقيب= كبرت عليهم مثل حرب الوديــــــعه
ودام الامانه في يدين المعازيب= كلــن على ماقيـــل يفتك ريـــــعه
الله عطانا دون خلقه مكاسيـب= وافضــل عطايا الله حكم الشريــعه
للي سعى في عامر الارض تخريب= سيـــف يداوي كل روس صديــــعه
ودنياك القرم المسمى تجاريب= والي جهــل فالدين دنياه ضيـــــعه[/poem][/frame]
وسلامتكم.....