مســـاكم ألله بالخيــر ..
لقلوبكــم النقيــّه ..
أتمنى ..
أن ترقى لجمــال ذاااائقتكم !!
***
[poem=font="Simplified Arabic,6,silver,normal,normal" bkcolor="transparent" bkimage="http://f8888f.********************************************/backg97.jpg" border="double,4,gray" type=1 line=0 align=center use=ex num="0,black"]
ماكنت أحسب الهوى والعشق يغريني=ولاهقيت المحبه تجــذب حبالي
وأضحك على اللي يقول الحب مشقيني=وعن سكة الغيــد قلبي دالـه ٍ سالي
لين إعترضني هواها وإشتعــل طينـي=عرفت نااار الغراااام وجمره الصالي
إستعمرتني بغلاها .. وأسـرفت فيني=وإستوطنت قلبي اللي قبلها خالي
تهرب من الناس كل الناس وتجيني=تنثـر هواها ولهفتهـا على جالي
مـدري .. من ألله كـذا لاجااات تعميني=وأضيع مدري وش يميني من شمالي
وأصبر على الشوق لين الشوق يطويني=وإن قلت أبثقـل سبقنـي يمـّها ظلالي
من وين مــالد نظرتهــا تباريني=مرسااالها الشوق والنظره ومرســالي
أذوب مع همسها وتذوب في يديني=وأمـوت في وصلها وتموت في وصالي
وبصوتهـا العـذب تطربني وتشجيني=(( كل التفااااصيل يافيصل على بالي ))
عن جمــلة الخلق شوفتها تكفينــي=وأصبحت أنا في هواها الأول التــالي
الله يحييـك يا أغلى من سنينــي=لبـّا النواعس .. ولبـّا المبسـم الحـالي
مرباعك الروح .. ودروبك شراااييني=وبين الحنايا ملكتــي عرشـك العـالي
ماكنت أحسب الهـوى يا (( وعـد )) يغرينـي=حتى جذبتـي بحبّـك أطول حبــالي[/poem]
وسلاااااامتكم