بسم الله الذي لايحمد على مكروه سواه
اخواني اعضاء المنتدى اقدم لكم هذه الابيات بعد غيابي عن المنتدى بسبب الضروف الصحيه
[poem=font="simplified Arabic,6,black,bold,italic" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
أحمد اللي فكني من تقلاب الحديد=يوم راحت تقتلبي على خط المهد
الثنا والحمد لللي كتب عمر ٍ جديد=عقب ميل موتري من زفلت اليا جلد
حاص عن دربه وانا عن دركسونه شريد=في تمام الواحده من ضحى يوم الاحد
انقلبي موتري وانكمخ من كل حيد=لين وقع فوق حره بعيد اعن البلد
ماشعرت الا وانا كني الطفل الوليد=والثنا والحمد للواحد الفرد الصمد
الله أسلمني من الشر والموت الاكيد=لا إله إلا هو القادر الحي الأحد
العزيز العالي الوالي الحق المجيد=جل سبحانه إليه النهايه والوعد
منجي ٍ عبده من الحوت يوم اصبح وحيد=في بطن حوت البحر لاحياه ولاسند
ومنجي ٍ نوح وعباده من اليوم الشديد=يوم راحت كل الامات غرقى للابد
أيها الناس اسمعوني قبل يوم الوعيد=يوم لاينفعك والد ولاينفع ولد
والله ان الموت حاصل ولو عمرك مديد=والسعيد اللي تقرب من الله وعبد
حظ من صلى وصام وتهجد للحميد=وحج بيت الله وسبح وهلل ثم حمد
وأتقى ربه وزكى حلاله والرصيد=وفي دجى الليل يتصدق بيد عن علم يد
اجتهد لاخرته وعاش فالدنيا زهيد=وخاف من ربه وحدر دموع ٍ فوق خد
من بكى من خشية الله تراه اهو السعيد=ومن ضحك لهوآ مع الوقت يقفاه النكد
يالله إنك تستر الحال قبل إنه يبيد=وتلطف بعبد ٍ ضعيف ٍ ويطلبك السعد
يالله إني عبدك وكلبونا لك عبيد=رحمتك لاكنت حي ٍ وإذا جيت اللحد
واطلبك ميتت شهاده وانا عبد وشهيد=في سبيلك ياإلهي عسى عمري بدد
وفي ختام القاف صلوا على خير العبيد=النبي الخاتم المصطفى حتى الابد[/poem]