بسم الله الرحمن الرحيم
أخواني وأخواتي الأحبه السلام عليكم ورحمة الله وبركاته...وبعد
أنفع كاتب خطابات عند المحكمة..
المهم..
أنا وخويي "سعود"في المكتب جالسين زي العاده شاهي وسواليف
المهم...
دخل علينا واحد فجأه"مساعد"مايدخل مع الباب من كبره
وقام يسولف عن البرامج اللي شافها أمس في التلفزيون وش صار وش اللي ماصار وش اللي بيصير...وسالفه تجر سالفه
و قام يتكلم عن الشاعره والمقدمه"المساعيد"
أللي تقدم برنامج عن الشعراء في"mbc" أللي يقدم شعراء زي قلتهم مع أحترامي
لمحبين هذا البرنامج البايخ ...
المهم..
قعدو يتكلمون عنها وعن شخصيتها مسوين أخصائيين نفسيين
وعن مقابله في مجله معها
أنتقلو للكلام عن المجلات أللي يقول أنها مبعث للثقافه"مساعد" وأللي يقول انها مبعث للرذيله"سعود"
المهم..
أن خوينا "مساعد" زعل علينا وقعد يقول أنتم متخلفين ورجعيين وأنتم سبب الجهل في العالم..وأنتم اللي خليتو دول العالم المتقدمه تستحقرنا وتنبذنا...الخ
المشكله أني قاعد اسمع مابعد تكلمت ولا قلت زين والا شين
وقاعد يسبني...
خذت المسئله من الناحيه الثقافيه قلت له أن المجلات قاعده تتاجر
بصور الحريم وأتحداك تلقى مجله ماعلى غلافها صوره وحده بوضع مغري..
قال أن الشي هذا عادي..دريت ان الرجال ما عندك أحد..
قلت ما دام أنه عادي ليش ما تخلي وحده من بناتك تطلع؟؟
قال .. ودي بس توهن صغيرات!!
تــــأكدت ان الرجال رايـــح في الرحله
بغيت أقوم وأطب في بطنه وأفقع وجهه ... بس المشكله أني رحمته عنده بنات صغار..والطقاق في الدوائر الحكوميه ممنوع..
وأترك لكم التعليق على لب الموضوع.....
وتقبلو تحياتي...