في اتصال مع الشاعر الرائع / عبدالله بن راجس
حصلت منه على قصيدة سيلقيها غداً ( إن شاء الله ) أمام خادم الحرمين الشريفين الملك عبدالله بن عبدالعزيز ( حفظه الله ) :
[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يقولون كلِ له سياسـه وصـادق شـور = والأوطـان تنعـم بالقيـاده ومسـروره
ولا ألومهم كـلِ بحـب الوطـن معـذور=ولاكـن قسـم بالله مامثـل أخـو نـوره
جمع رحمة الإسلام في سطوة الممـرور=زعيم أمـة الإسـلام بالديـن منصـوره
سلايل معزي صقر كمّل طريـق صقـور=على الحب والتقوى بعيـدِ عـن الثـوره
على الحجة البيضاء يقـود أول الطابـور=وهـذي مهمـة كــل قـائـد وذا دوره
مثل ما حصل قبل أمس فكبر حدث محضور=أمام الملا معلن على الصـوت والصـوره
أوباما حضر عنده قبـل قولـه المشهـور=رأس أعظم إولايـه ومنـه كسـب دوره
هنا ثابت الوقفـة لـوإن الكيـان يـدور=يسرّ الصديق وتصبـح إعـداه مقهـوره
وهنا دور من شال الأمانة وهـو مامـور=على من يشدّ أزره من الحمـل مقـدوره
سياسي محنك للعروبه حجـاب وسـور=وعند المشوره كل الاشوار مـن شـوره
زعيمِ بنـوره زاد نـور الزعامـة نـور=بعين الثقه بهـل الثقـة بـان منظـوره
عطا سيدي نايف على فعلـه المخبـور=ولاية ثقة واصحـاب الانجـاز مشكـوره
ولله فـي خلقـه شـؤونِ والأرض البـور=رزقها بخير أسيـاد فـي كـل معمـوره
وهي قبل حكم إمعـزي ودمهـا مهـدور=وحماها بسيفه وإرتكـى فـوق باكـوره
لعلـه بجنـات النعيـم ومقـر الـحـور=جوار النبي ما يحسب الوقـت وشهـوره
يا رحمن وأنت إللـي بفضلـك لنا مشكـور=ترد أبو خالـد منبـع الطيـب وجـذوره
يجينا بثـوب العافيـه مهتنـي مسـرور=وتباشربه شعـوبِ برجـواه محصـوره
ويفرح بشوفه سيدي عقب غاب شهـور=حزام المليك اليا دعـى الحـرب طابـوره
سلامة ولي العهد تملا سمـا وصـدور=ويعم الفرح شعـب الجزيـره وجمهـوره
أقوله وانا في طاعتـك سيـدي مامـور=ولا أحدِ يلوم الشعب في حـب أخو نـوره
[/poem]
كل الأمنيات لشاعرنا بالتوفيق