[poem=font="Simplified Arabic,7,royalblue,bold,italic" bkcolor="transparent" bkimage="" border="double,4,blue" type=2 line=0 align=center use=ex num="0,black"]
قلبي تقطع لجل يوصل رساله= مضمونها يا الغاليه ما وفيتي
لو تعرفين ان المواصل جماله=ولو تشعرين بقيمتي كان جيتي
يا من جفتني لجل اهيم بجماله=خوذي غرامك دامك انتي مشيتي
ما دام قلبي صار يسهر لحاله=وش همني لا قالوا انك سريتي
وش هقوتك قلبك يعرف العداله=لا صار يرضى باالجفا وش هقيتي
يا شمس صيف ولا رحمني ظلاله=يا من نسيتي كل شين قريتي
تبيني اتعذب وخاطرك داله=تبيني اتبع رغبتك ما حييتي
كيف اتبع اللي ما ذكرني وصاله=تكلمي يا عزوتي وش رأيتي
قالوا زعلتي قلت كلي حلاله=دونك ضلوعي والحشى وش بغيتي
يا من فوادي قبل تشكي بكى له=ليتك على قطع المواصل بكيتي
من عافنا صعبن ندور بداله =يا من هدمتي كل شين بنيتي
با الخاتمه يامن سلبني دلاله = غير الفواد ومهجتي وش خذيتي [/poem]