السلام عليكم ورحمة الله وبركاته ...مساكم الله بالخير جميعاً..
مجاراة لقصيدة الشاعر الكبير سعد بن جدلان والمسماة ( خريطة الطريق ) ..أتمنى أن تحوز على رضاكم :
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا خارطة طريق بن جدلان يا دروس و عبر=يا مكملة..ويا مزينة بدرّها و بلولها
يااما كذا يكون الشعر وإلا بلاش من الشعر=ويااما كذا تكون الحروف وإلا بلاش نقولها
هيضت خاطر شاعرٍ غايب ولكن لا حضر=يهدّف جزال البيوت ويضمها ويعولها
من عادني بزرٍ وأنا فكري ماهوب فكر البزر=أعرف وش عدل الأمور وأعرف ويش ميولها
أعرف إن المرجلة هم ..وشقى ..وفقر=لكنها في عيون أهلها يا كبر مدلولها
الرجل منهم لا كسب ( والنعم) كنه منتصر =كنه ملك فسيح الأرض بعرضها و بطولها
وأعرف إن طبع الرخوم مثل الوباء المنتشر=ماهمّها إلا نومها ومشروبها ومآكولها
مثل الدبش وبعض الدبش لأصحابها أنفع و أسر=يااما ذبح طليانها وإلا فباع فحولها
وياراعي الحزن العميق مالك ترى إلا تنتحر!=وإلا تصبر وأفهم الدنيا على أصولها
ماخلقت الدنيا نعيمٍ مستقرٍ مستمر =أفهم ترى الدنيا دول وترى الزمان يدولها
مرٍ تجيك من الرغد مثل النبات المزدهر=و مرٍ يقطّع في الثرى جفافها و محولها
أتعب وسوي إللي عليك وإللي مايكتب لك عسر=ما كل من رام أمنية يرومها وينولها
اصبر وأبشر بالفرج وما للفرج إلا الصبر=وبإيدين خلاق الملأ مفتاحها وقفولها
ماتشوفني صابر وأنا من داخلي أطبخ قهر=على الذي أقفت وأقفى القلب يتبع زولها
بنتٍ عليها من الجمال مالا يوصف به بشر=قد شفت لك قطعة حلى تاطى الثرى برجولها ؟
أقفت وقالت أنتظر وقد لي سنة وأنا أنتظر =لا هي لفت تسأل علي ولا هو لفى مرسولها
لو إن قلبي من حديد أمداه يذوب وينصهر =لا شك أسلي خافقي وأدلهه بوصولها
تدري فراق الخل مر لكن تدر وش الأمر؟=إنك تنزل دمعتك للناسٍ تمنى نزولها
وأنا إلا منه غدا في الحب شرهة أو عذر =يبطي الهوى وأهل الهوى ودموعنا مااشفوا لها
لإني أنا من لابةٍ ماهي تداني المنكسر=ولا هو يدانيها الجبان ولاهوب يقرب حولها
قبيلةٍ تنهي خطر..وتاطى خطر..وتنطح خطر=ويعجبك في يوم اللقاء غرّانها و كهولها
وترى الهوى ماهوب هم الهم والله في القبر =عزي لنفسي من شقاها ومن ردى محصولها
نفسٍ من الرحمن في نعمة وذنب مغتفر=ونفسٍ تعاقبها جرايرها وسود فعولها
يالله دخيلك من عذاب القبر ومن لاهب سقر=في ساعةٍ يا كبرها ويا عبرها ويا هولها
ويالله دخيلك من النميمة والغبينة والغدر=ويالله دخيلك من الليالي ومن خفى مجهولها
ويالله دخيلك من خوي مايشد به الظهر=ويالله دخيلك من صداقة باطلٍ مفعولها
ويالله دخيلك والزمان من الحسد غاديٍ دهر=والناس من تالي استوى عقّالها و خبولها
وختامها سلام يامحمد ياابو الوجة الأغر=سلام ياروحٍ ملائكة السماء صلوا لها [/poem]
وســــــــــــــلامتكم