بعض قصائد الشاعر .. (جابر بن بطحي المطيري)
--------------------------------------------------------------------------------
السلام عليكم ورحمة الله وبركاته
رغم صغر سنة ...... وبدايته لكتابة الشعر منذ ثلاث سنوات ..... الا انه ابهر لجنة التحكيم بجمال قصيدته .... و جعلنا نستمتع بالشعر الجميل ...... شاعريته فذة .... فكأنه يلتقط من بساتين الورود اندرها ..... ومن صندوق الجواهر اثمنها .... فأخرج لنا قصيدة مليئة بالشاعريّة ..... ذات تسلسل أكثر من رائع..... لتكون بطاقة التأهل له لمرحلة الـ 24 شاعر .
نعم انه الشاعر جابر بن غازي البطحي المطيري
فألف ألف مبروك لدولة الكويت ولمطير بانجاب شاعر له مستقبل واعد
ولكن لظروووفه اظطر الى الانسحاب من البرنامج
أترككم مع قصائده
جــر صـوتـك طــرب يــا حـــادي الـعـيـس
....................... وألحق الصبح لا يطفـي سراجـه
الـرسـايـل مــعــي ,, حــبــر وقـراطـيــس
....................... وصاحبك بين ضيقه ,, وأنفراجه !
كـــل مـــا جـيــت وأحـلامــي محـابـيـس
....................... رحت , ! والقلب متغيّر مزاجـه ؟
ياحبـيـبـي ,, نــــزف جــــرح الـكـوابـيـس
....................... وصار في داخل أعماقـي لجاجـه
لــــو تــعّــد الـمـسـافـه ,, والمـقـايـيـس !
....................... وش ورى لآهب الجرح وعجاجه ؟
لا يـطــول الـجـفـا . عّـــوذ مـــن أبـلـيـس
....................... حاجتـي للقـى , ماهـي بحاجـه
شـــوف حـتــى الـمـشـاعـر والاحـاسـيــس
........................ تنتظرنا ,, علـى شـان أنتواجـه
كـلّـم الـخـوف , يـــا صـمــت الـوسـاويـس ,
....................... لين راع الهوا يضحـك أحجاجـه
صـوتــك الـلـيــل وعـيـونــك نـواعـيــس !
...................... وكل دمعه من عيونك ,, سماجـه !
مسافه و تعب
طال الجفا وأنا شعوري غير
عن ذكرياتي وأقرب , , أمآلي
أحترت مدري هالسنه شيصير
وشلون لو يبقى على بالي
الغايب اللي زادني تفكير
ياكثر مايجرح وهو غالي
أحيان اشوف احلامنا وأغير
وأحيان مدري ويش يبقالي ؟؟
وأحيان احس ان الزمان بخير !!
وأضحك لا شفت وجيه عذالي
الحلم راح , ومالقى تفسير
ولا فيه غير ابقى على حالي !!
يالصمت سامحني على التأخير
مليت اداري صوتي , العالي
كان المسافه , مالها تأثير ؟؟
الجرح له عامين (( يبرالي ))
صافي الود
نام قلبك وقلب اللي عشق ماينام
والليالي عميق الجرح مازالته
خلها بيني وبينك وفا واحترام
وأجرح القلب لا ترأف على حالته
ودي اروح .. عجل لايطول الكلام
هو بقى من عيونك شي ماقالته
صاحبك يوم هزيته بجرح الغرام
وده يطيح لكن عزته شالته
ارتوى الليل من رمشك وزاد الظلام
والغلا . . ألتوت رجلي بمحبالته
بين صدق الأماني والعتب والملام
حلم لقياك يوم عيونك أختالته
كنت تكبر بعيني عام من بعد عام
لكن ايديك صافي الود ماطالته
لا تزيد الجروح ولا يطول الكلام
هو بقى من عيونك شي . . ماقالته ؟؟
طاحت و هي ما درت
حادي الصمت ما عندي لصمتي بديل\ وانت ليله تغافلها الجـفا مـا درت
ويـن اودّيك يـا هـــمّ ٍ بقلبي ثقيل ..؟\ جعل تسري بك الليله ليامن سرت
ايه خايف على دمعة عيوني تسيل\ ما قدرت اتجاهلها وهي ما أقدرت
كانت اصعب على نفسي من المستحيل\ لين سالت على شان الغلا وأعبرت
عزّتي تطلب الفرقــا بيوم الرحـيل \.. لو جروحي على طول العمر ما برت
جيت عابر سبيل ورحت عابر سبيل\ والمحبه ربت في داخلي وأكبرت
انت ياللي ليا مالت جروحك تميل ..\ الليالي خذت منـّي وما قصـّرت !
لا تسولف ترى ليل المفارق طويل\ كـل كلمه على بالك فبالي طرت
شوف عيني وتلقى للمحبه دليل ..\ مير نفسي لتقليب المواجع ضرت
طوّل الصمت وأربكت الشعور الجميل\ قلت اببعد مدام ان الجروح أكثرت
خل دمعك يسولف للـوداع ويسيل ..\ والا انا دمعتي طاحت وهي ما درت
مشاعر الأحلام
عذري من اعماق قلبي وانت وش يرضيك\ وان فـاح عطر المسافه لا يطول الصبر
تمــوت بيــن الحــنايا .. والغــلا يحيــيك ..!\ والحب مثلــك نــزف بين الضــلوع وكبر
رح كــــلم الذكــريات وقلــها , وش فيــك\ عشان ينــبت على تراب المحــبه شجر
وين انت عنــّي عجــز صوتي وهو يدعيك\ العــمر محسـوب وفراق الحــبايب كدر
لا صــار صـــوتي دروبك والســــهر طـاريك\ اكيد الاوهــام تـتــعـبها دروب السفر
ولو قلت عقــب السنين اللي مضـت مابيك\ كان استحا الحــلم من قلبي وطاح العمر
آسف يا مكتوبي
الجـــرح ,, للقــلب والايـــام . ودروبي\ واللــيل من جابني يمــّه ؟ ووداني
كم لي سنه والجفا صوتي وعذروبي\ أخـاف لا ينــتهي حــزني , ويلــقاني
مشـكور يـا خاطري و آسف يـا مكتوبي\ أزريت اقول الكلام اللي على لساني
وش كانت الذكـريــات وكانت ذنـوبي\ ثنـتين والعـذر كـان اكبر من أحـزاني
ثنـتين بين العــذول , وجـرح محــبوبي\ الاول يهــون ,, والشرهه على الثـاني
أحـس دار الزمـــان ,, وغيـّر اسـلوبي !\ حتــى اقــرب النــاس خليــته وخلاني
أن جيــت برضــاي والا رحـت مغـصوبي\ الحــين مـا كل شـي يهــز ّ وجــداني
يمـكن كبـرت أو نسيت العام مطلوبي\ يمـكن تغــافلــني الحــلم ,, وتعــداني
والدمعـه اللي تــروح وتلتــفت صــوبي\ تركتــها فالضــلوع ,, وصــرت وحـداني
يـا جــروح الايــام , مـا مليـتي دروبي ؟\ خليــني ارتـاح لـو مــره على شاني
ما عاد يمدي
لا تبـيـّن لي الدمعه يـا قطر الندى\ وألتـفت للوداع ان كان حـزنك كفـاك
دمعة الطيب في عين الليالي ردى\ أخـذ منـّي دفـا الايـام ,, والله معـاك
خانك البعـد من قربي وطال المدى\ وجيت تسترجع الماضي وتسبق اخطاك
يا حبيبي ,, وقف بيني وبينك صدى\ وانت صـوت ٍ يناديني ولا أسمع صداك
كل جـرح ٍ يطيب بخاطري ما عـدا\ جرحي العـام في بعـدك وليلة جفاك
كنت أشوفك واحس ان الفراق ابتدى\ يومـها الشـوق جابك والمــوادع خذاك
ليه اعذرك وانا فالحب مالي جدى\ ليه أعاتبك وانت اللي جرحني خطاك
ماتت اكثر طموحاتي وراحت سدى\ شفت وشلون اخذ مني الزمان وعطاك
يمكن يزول حزني والشعور يهدى\ وأترك الحلم وألقى حلم غيره هنـاك,,
واتمنى انه ينال اعجابكم