ليلة خميس .. [ يا زين شوف المطر ( لا ) هلت امزونه ]

[جواهر عبدالله]

[img]http://beeentq8.********************************************/بسمله.gif[/img]





[poem=font="Simplified Arabic,4,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اشتاق لزحول الرعد كـل مـا اوحيـت=صفق ..الرعد بالبـرق وان لاح ينهـاب
ياوجد قلبي .. يا المطر كل ما أمسيـت=وجود .. غصن(ن) ميله لفـح ملهـاب
ليا .. دلت ثعولك ومنهـا .. أستشفيـت=ذقت المطر عقب الضما .. وقلت بعتـاب
ادخل على الله يالمطر .. كل مـا اقفيـت=ترجع على غصن(ن) من القيض منصاب [/poem]

الشاعر / خالد عبد الكريم .



أبارك لكم هطول الأمطار .. أسأل الله أن يغيث بها البلاد والعباد .. ويجعلها سُقيا رحمة لا سُقيا عذاب ..

الحديث حول المطر فيه راحة للنفس ..

للمطر فرحة خاصة .. ولحظة يصعب وصفها .. فـ فيه راحة القلوب .. وانشراح البال .. فـ قطراته تغسل الهموم ..



شعراء غربيل .. وصفوا تلك اللحظات بأبيات .. تعالوا لنستمتع سوياً بها ..



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بأسم من كون مراديم السحايـب=جل سبحانه وانا تحت السحابـه
احتري منها المطر جزل الوهايب=يسقي الريضان من قبل إنقلابـه
ياهنوفي غطرفي والنور غايـب=وأشربي قطر المطر وقت إنسكابه
وارقصي ثم أحمدي رب السحايب=جيتلك مشتااااق ياهاك السحابـه [/poem]

الشاعر / خالد عبد الكريم .



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحـه دن الـرعـد والمطـر هـل = مـن بعـد مـخـيالاََ تـلاعـج بروقــه
اخــايـل البـراق في مـزنـتـه زل = يا الله عــن دار الغـضي لاتعـوقـه
عساه لامن وصل دار الغضي حل= وارخـاء سدول المرزمات الصدوقه
وبعد الفجر عقب المطر ينزل الطل= في خـايعِِ الـسيل كـثـر شقـوقـه
يـرتاح من شافه ومـشـتاق مـامل = مـعـى عشيرِِ صـادقِِ مـا يبـوقــه [/poem]

الشاعر / مهدي بن مسفر بن عليان .



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المطر عشق البلاد اللي محولـه=لاسقاهاالسيـل واقفاهـا بديمـه
تو مزنه مردف ٍ ينقـل حمولـه=الرعد بأطرافها توحـي هميمـه
ينشرح صدري ليا دلـت ثعولـه=مثل دمعات اليتيم ابـن اليتيمـه
ارتوى منه السهل واحدر سيوله=مثل ماتسخ الكرم يمنا ً كريمـه
حظ من يأخذ على الريضان جوله=مع مشاكيل ٍ مواقفهـم عديمـه [/poem]

الشاعر / نياف العتيبي .



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله يامعبود ياربي اتعيد=لارض محل حتي العرب ينزلونه
اتجيد ياخالق على خلقك اتجيد=ياواحد كل الملا يرتجونه
بنوٍ مبكر يسقي القاع ويفيد=يبرق ويرعد مردفات مزونه
حتى نشوف العشب ضافي على البيد=وكل الشجر ينبت وتثمر غصونه [/poem]

الشاعر / نشمي مقعد العتيبي .



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يازين شوف المطر ( لا ) هلت امزونه=يروي فياض الديار ويشـرح البالـي
ويازين شوف الربيع وشوفة اغصونه=اليا سقاهـا مـن الرحمـن همالـي [/poem]

الشاعر / وافي السبيعي .



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
السما غيّرت لونه بسود السحاب =والمطر بل وجه الارض واروى الضما
المطر يلبس البيدا جديد الثياب =لين عشبه تنهّض والخزامى نما
طش رشش وبلل ارضها والتراب =لين سيله مع الوديان طل وزما
المطر روح هالدنيا وفقده عذاب يبهج الروح لاهّل السحاب وهما [/poem]

الشاعر / سعيد العمودي .



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
برق ورعد ورياح وغيوم حِمّـل=وارضٍ جداب وبيد ما احدٍ وردها
وخوف ورجا لين اول الغيث همّل=وانسى جديد الارض سابق عهدها
ومع كل قطره تلثم القاع , يجفـل=وتثير حبـات الرمـل ويهجدهـا
ترا السما تضحك اذا دمعها هـل=الله يديم دموعهـا مـع سعدهـا [/poem]

الشاعرة / الورقا .



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عمت الخيرات أرجاء البلاد = واستهل من السحايب وبل ديم
المطر رحمة على كل العباد = وخير من رب ( ن ) علينا به رحيم [/poem]

الشاعر / فايز ماجد .



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تنهمر من مدلهمـات المـزون=فوق وجه الارض طشات المطر
كنها الدمعات من سود العيـون=فوق خد (ن) قلب راعيه انشطر
مشي سحابة على البيدا بهـون=يتثيقل كـن بـه كبـر وبطـر [/poem]

الشاعر / أحمد مناحي الشمري .



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اليا امطرت تفرح جميع المخاليق=كل الأوادم والشجـر والبهايـم
يغسل همومن في قليبي معاليـق=واحلى صفات الجو لاصار غايم
انسى الكدر والهم والغم والضيق=وأقول ليت الجو ممطور دايـم [/poem]

الشاعر / صالح المرزوق .



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اليا بدا نور العيون وتهيا =اشعر باني للمسافات عابر
اشعر بان الجوهرة في يديّا=اليا وقفَت تحت المطر ما تكابر
اشرب من شفاته دموع الثريا =واكتب من عيونه قصيد المحابر
واليا انتهى كل المطر اتهيا =لمقابلة شمسه ليا اقبل مكابر
كذا اوقف وامسك ايده كذيا =واقول له كان اللقا ذاك عابر [/poem]

الشاعر / د . أحمد الشهيب .



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للمطــر في داخــلي حس(ن) وصوت=صوره وذكرى وضحكات المسا
لاعْتنق ليل الهوى عمـرن يفوت=خالط الأنفاس حزني والأسا
انثر الآهات ويذبحـني السكــوت=لين همي في معــاليقي رسا
يالله الرحمــن نســألك الثبـتوت=ضـايعـه بالفعــل أحــلام النــسـا [/poem]

الشاعرة / العنود .



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشوف لا منّه سرَح..حلّق معا غيمه وطار=تلوح له ذاك البروق..ويتبع الراعد مطر
مايعجبه شوفة مدرّج طايرة وألاّ مطار=أهم شيّ يشوف له مع البرَد خوطٍ عطِر
يصيب قلبي من جفاف الأرض ضيقة وانفطار=والى نشَت ذاك المزون اشتاق واكتب لي سطر
واقول ياشوق السحاب اللي عليه الشوف طار=واقعد مخايل للبروق..ويتبع الراعد مطر [/poem]

الشاعر / علي عبد الرحمن الأسمري .



ولكم أجمل التحايا الندية .

[جارح الكسر]

سلمت جوااااااااااهر

وصحت السنت المبدعين من شعرائنا

شكرااا للجميع

[جواهر عبدالله]

الله يسلمك يا جارح الكسر

ويا ليت كل شاعر / شاعرة .. يمر من هنا يمتعنا بـ بيت أو بيتين عن المطر ..

أبيات المطر ما أحد يمل من قراءتها ..

[عايدالعنزي]

الله يجعلها امطار خير وبركة ويعم بنفعها ارجا بلاد المسلمين


الاخت
العزيزه
ومراقبتنا المتميزه
جواهر عبد الله

ابدعتي بختياركِ هذه القصايد

الممطره بجمال حروفها

صح الله قلوب شعرائنا المبدعين

وسلمتي على هذا التميزفي الاختيارالرائع

فلكِ

احترامي

وتقديري

[بـنـت الـشـيـوخ]

الحمدلله ,, امطار وبرد وخير من الله ,,

يعطيهم العافية شعراء غرابيل المبدعين

ولاهنتِ ياجواهر , على هالموضوع الراااااايق0

[ريف العين]

جواهر

يعطيك الف عافيه

والله لايهين الشعراء مبدعين (( ومفنتكين )) بلغتي :خجل:


دمتم مبدعين ومتميزين

تقبلي ارق تحيه

[sha3noona almajnoona]

جواهر



مبدعه كالعادة





صحت السنت شعرائنا ومافيهم حيله


ودمتم مبدعين

[ليــن القســا]

كل الشكر عزيزتي على الفكرة والجهد ..

وصحت السنت المبدعين من شعرائنا ...

[مشاعر حالمه]

جواهر عبدالله

صحت السنتهم كلهم ولاهانوا

وماشاء الله عليج ابداع في ابداع يالغلا

انا عندي بيت واحد اسمحوا لي اسدحه هنا ^____^

[poem=font="Simplified Arabic,4,black,bold,normal" bkcolor="transparent" bkimage="backgrounds/13.gif" border="groove,4,black" type=2 line=0 align=center use=ex num="0,black"]
مرّت سحابه والمطر رش رشّات=وانعش خفوقٍ ميتٍ قلب راعيه[/poem]

تراه بيت عجـــــل

^_^

تحييت لج / مشاعر حالمه

[سعدالجميلي]

السما غيّرت لونه بسـود السحـاب
والمطر بل وجه الارض واروى الضما
المطر يلبـس البيـدا جديـد الثيـاب
لين عشبه تنهّـض والخزامـى نمـا
طش رشش وبلل ارضهـا والتـراب
لين سيله مع الوديـان طـل وزمـا



الشاعر / سعيد العمودي .

[محمد السليس]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
احسني اضعف قوي واحـس بـك اقـوى ضعيـف=والريح خلف النافـذة تعـوي وانـا تحـت المطـر
كيف انتظر والانتظار امضى من السيـف الرهيـف=والعمر يمضـي والثوانـي جمـر والساعـة دهـر
لقيت مفتاح الفـرج فـي قبضـة الصبـر العنيـف=لكـن ويـن القـى ولـو دورت مفتـاح الصبـر؟
الصبر اقلـه حـد خنجـر قاطعـه واقـواه سيـف=اشـده المـوت البطـي واقلـه الـمـوت الحـمـر [/poem]


حمد العصيمي

[منور العوني]

جواهر

الله يعطيك العافيه على جهودك الجباره للرقي بالمنتدى

وصحت ألسن الشعراء المبدعين

[محمد السليس]

منور مطلوب منك بيتين والا ثلاثه في هالموضوع لاهنت

[جواهر عبدالله]

الله يعطيكم العافية جميعاً ..

محمد أكتب لنا بيتين عن المطر .. الجو اليوم رااايق ..

وإنت يا منور لا تبخل علينا ..

نبي الصفحات هذي كلها تتبلل بقطرات غيثكم الندية ..

،

،

لي عودة بإذن الله للرد على كل مَن مر مِن هنا .

[محمد السليس]

ابشري ياجواهر انا بطلع للبر وابسوى ماايقسم الله وانزله ولايهمك

وننتظر منور