شهقة أنفاس

[زاد الركب]

شهقة أنفاس





ينام الليل في حضن السكون وتشهق الأنفاس

وتاخذني خيالاتي من أقرب قلب للجافي

تعب حتى التعب لكن لقيت إن التعب حسّاس

يريّحْني كثير ما اتعب.. أنا اللي ظالم إنصافي

كثير اللي قبل مروا ولا ضروا وقلبي حاس:

بأنك واحدٍ منهم قلب لا أدري عن الخافي

يطيح الغيم من عين الشموخ ولا يضيع إحساس

على كذبة سحابة صيف رعدها يرزم خلافي

يخايلها الهبيل اللي على شوفه فقد له راس

وتبي عيني لشوفاته وهي تقصر عن أطرافي

تحسب إني عليها أصفق يديني وأشتكي للناس

وهي والله لو خلقت فلا ترقى لأهدافي

تسمي لي غلاها اللي بلا حد وبلا مقياس

وإلى قلت الغلا وينه تظن إحساسها كافي

وأنا لي قلب من صدقه قلب دنيا.. وشد الساس

وأنا من شيد صروحه بميقافي قبل قافي

عزيز وإن نشت غيمه غدا لي صدرها مجلاس

رقيت وما رقيت بحرف رقيت بعزي الوافي

ولقيت إن الحياه بقلب أبيض مالها أجناس

وعرفت إن الذهب وقت مع اللي معدنه صافي

وداعا يا مواويل العذاب وضيقة الهوجاس

وداعه يالعيون اللي تبوح وسيلها ضافي

للشاعر { دعاس الرويلي }



[/align][/size][/color][/font][/B][/align]

[][ سما الدوحه ][]

جميل جدا


صح لسان الشاعر..


ومن نقلها لنا