الله يحييكم في مزاين الهيلا

**محمد السليس** · 21-10-2007, 05:37 AM

الله يحيي كل من يجى لمزاين الهيلاا

والمحل واحد واتمنى كل من يجى للمزاين الاتصال بي والزياره وتشريف المحل

وبالنسبه لنا ياذوى سليس لنا عشر مخيمات لان المشاركين عشر ذيدان في جميع الالوان

والمحل واحد ومن يبي يجى يشر بالحليب وبالعشاء

وبالنسبه لى اعزم واحى بلحية من يبي يجي للمزاين من طريق الحجاز ويمر في محافظة عفيف

على شرف محافظ عفيف / الدكتور عبدالله بن سفران القحطانى

وعلى شرف اخى وكيل محافظة عفيف/الاستاذ عبدالله بن على بن حمدان السليس

وهذا الجــــــــوال 0540551413

**احمد مناحي** · 21-10-2007, 05:55 AM

محمد السليس

هلا بك وغلا

والله والنعم فيك وفي عزوتك والنعم بالهيلا كافه ....

كفو والله عوايدكم دعوة الغانمين وبيوتكم مجالس طيب .....

الله يبارك لكم مقدما في المزاين وموفقين خير ان شاء ....

يعلم الله لو عندي الفرصه للحضور اني اتشرف بلقاء رجال الهيلا واسعد بالتواجد في

مناسباتهم .........

الله يوفقكم

ملاحظه :

مااعرف بالنسبه لرقم الجوال هل هو هكذا صحيح ؟

**محمد السليس** · 21-10-2007, 06:04 AM

ابو مناحى

ياهلا وياغلا يالقرم

ويشهد الله انا نتنومس ونتشرف بحضورك وحضور الحموله اللى انت منها يشهد الله

وان جيتنا يشهد الله ان الحفل حفلين

وان منعتك ظروفك عنا فاللى فالقلب مخبور يالمطنوى

وبالنسبه للرقم فهو صحيح لان هذا المقسم الجديد في شبكة موبايلي

ودمت ولاهنت يالقرم

**ماجد** · 21-10-2007, 07:50 AM

[align=center]هلا وغلا محمد السليس

تسلم والله على ترحيبك وعلى دعوتك الطيبة

ويامرحبا والله بكل الضيوف في مخيمات عتيبة

عندكم وعندنا ومثل ماقلت المحل واحد يالغالي

وحياهم الله بكل وقت في المزاين

دمت بخير وعافية ياغالي

نبضـ الشماالـــ[/align]

**سعدالجميلي** · 21-10-2007, 08:55 AM

والله والنعم والطيب والكرم بالهيلا

قبيله عزيزه على قلوبنا ونعتزبها

وعساكم دائما بعزومعزه

**منصور الحربي** · 21-10-2007, 09:44 AM

[align=center]مساءك سكر :

.

.

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الله يبارك حفلكم ياعتيبه = لطامة العايل وذباحة الحيل

ربع لكم في صفحة المجد هيبه= من ماضي الاجيال جيل ورى جيل

الطيبه ماهي عليكم صعيبه = عاداتكم ماهي دعاية وتمثيل [/poem]

.

.

الخميس الماضي تشرفت بزيارة المزاين ومعي مجموعة من الزملاء وشاهدت عمل جبار يستحق الإشادة وحين حانت صلاة العصر مررنا بمخيم الاخ / فايز الحميدي ( بيض الله وجهه ) وكسرنا الفنجال عنده . . ولزم علينا بالعشاء واعتذرنا لرغبتنا في العودة الى القصيم . . !!

حقيقة ولا اقولها مجاملة أن الترحيب الذي يجده كل من ياتي الى المزاين مدعاة للفخر ..

للعلم الأبيات اعلاه كتبتها بعد أن شاهدت حفاوة أهل الحفل .. وبصدد تكملتها . . !!

تحياتي للجميع وابشر يابو علي متى ماكانت لنا عودة للمزاين نبا نلبي الدعوة ونمرك ..[/align]

**مهدي بن مسفر الحبابي** · 21-10-2007, 02:54 PM

أخوي الوافي محمد السليس

بيض الله وجهك على الدعوه

ما نستغرب الطيب من أهله

الله يوفقكم يابو علي وانتم هل العلوم الطيبه والسلوم الوافيه

وانا انشاء الله بكون هناك لتغطيه الاعلاميه ولي الشرف

لك فائق احترامي وتقديري

**ناصر القزلان** · 21-10-2007, 06:11 PM

أبو علي ..

كفو يالسليس ولا غريبه عليكم الطيب ..

جينا أول وباذن الله لنا رجعه وزيارة مخيمكم شرف للجميع .. الله لايعوق بشر ..

وهذي بويتات كيبورديه على الطاير والا أنتم فوق الكلام ..

[poem= font="Simplified Arabic,6,darkblue,bold,normal" bkcolor="transparent" bkimage="" border="solid,3,darkblue" type=1 line=0 align=center use=ex num="0,black"]
سلام تسليم الوفاء والموده = على قبيلة غير كل القبايل
سلم على العتبان والعلم وده = للطيبين الصادقين الاوايل
تاريخهم بالطيب كل ٍ يعده = فوق المهار الطيبات الاصايل
يوم الليالي بين هاته ووده = ميزانهم في كفة الطيب مايل
من شرق لين انك تجي باب جده = تشوف للعتبان زين الفعايل[/poem]

تحياتي ومودتي واحترامي ..

**خــــالـــــد** · 21-10-2007, 08:42 PM

[align=center]
عساكم على القوة يا أبو علي

والله يوفقكم [/align]

**منور العوني** · 21-10-2007, 10:27 PM

عساكم على القوة

ولاهو غريب عليكم الترحيب بالضيوف يابو علي

**عبد الرحمن مازن العطاوي** · 22-10-2007, 01:19 AM

[align=center].
.

ابو علي

عشرين مرّه اجي عفيف وابمرّ عليك وانشغل .!
وسلمّ على خالد اخوك .!

الشي الثاني انا الأربعاء إن شاء الله في مخيّم النفعه بلقي لي قصيده بمناسبة زيارة مشايخ عتيبه لأمير قبيلة الزوّّد إن حصل فرصه دقيت عليك وجيتك
لأني بعد الحفل بطلع للقصيم إلى حائل ولنا لقاء يالأمير

.
.[/align]

**مسلط المغيري** · 22-10-2007, 02:51 AM

قول وفعل يالسليس

وجهز نفسك نبي نزورك يو الخميس في المزائين

والله يقوي الهيلا ويعز شانها

**محمد الجبريني** · 22-10-2007, 09:45 AM

اخوي محمد السليس بيظ الله وجهك وفيت وكفيت
وكفو والله لاعدمناك بالذيب والعزيمه فالنا جميع
والله ان الحضووور يشرف وينومس خاااصه مزاينكم
اخذت قلوبنا ماشالله في التلفاز واستهواتنا
واعجبتنا فما بالك لو يتسنى لنا الحضور والله
انا شخصياً ابرك حزه واطيب لليله تكون لي وفي حياتي
[poem=font="Arial,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامعرب الجدين والعم والخال = وفيت واحنا وصلتنا العزيمه
وصلت عزيمتكم لاهنتو يالابطال = يهل الدروب البيظ والمستقيمه
ما مثل شوف اوجيه ذربين الفعال = اهل العلوم الغانمه والحكيمه
قسم بربي انها تشرح البال = وتزيد فالرجال قامه وقيمه
مايصد عنها غير ياكود الانذال = لعلها بالصد مع الحريمه
[/poem]
ولاهنت وكل عام وانتم بألف خيرررر
حبي ومودتي

**محمد السليس** · 22-10-2007, 06:13 PM

لى عوده للردود واهلها اللى يسوون عندى شي واجد يشهد الله

وليت العوده تكون بقد مقام الحضور

**زايد الروقي** · 23-10-2007, 12:47 AM

ابو علي

شوفك غايتنا يالغالي

ان سمحت لي الظروف سنلتقي ان شاء الله

و بيض الله وجهك يالسليس

......

الموضوع: الله يحييكم في مزاين الهيلا

أدوات الموضوع

بحث في الموضوع

تقييم هذا الموضوع

الله يحييكم في مزاين الهيلا

معلومات الموضوع

الأعضاء الذين يشاهدون هذا الموضوع

المواضيع المتشابهه

$$.. صور من مزاين الهيلا ..$$

قصيدة الشاعر الكبير ملفي المورقي في مزاين قبيله الهيلا عتيبه باالصوت والصوره

تفضلوا الله يحييكم

الكلمات الدلالية لهذا الموضوع

ضوابط المشاركة