[align=center]السلام عليكم ورحمة الله وكل عام وانتم بخير
اهنئكم جميعا اعضاء وقرّاء بقدوم شهر رمضان المبارك
وتقبل الله منا ومنكم صالح الاعمال وجعلنا وإياكم من المقبولين
وتقبلوا مني هذه القصيده مع خالص الود.[/align]
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,sienna" type=2 line=0 align=center use=sp num="0,black"]
ألا يا ما ابعد الطرقه وألا يا ما ابعد المطراش=تضيّع وجهة الطرقي وتِتعب رجل ماشيها
ومن يطرد سراب القيظ لا نايش ولا يِنَّاش=غدى وسط المضامي والسحايب في مناشيها
ومن يآمن على سرِّه صخيف العقل وإبن اللاش=ولو طال المدى لابد ما الاسرار يفشيها
ومن يصدق مع الكذبان لايآمن حكايا الواش=يكسِّر حسبة الكاذب ويطرح جمع واشيها
ومن يزرع غصون التبغ مدري شجْرة الخشخاش=جنى محصولها "المنقود"..لو في الشطّ منشيها
ومن يشري الهزيله لو يلبسها ذهب وقماش=تباريه الخساره لو يغديها ويعشيها
أنا اعرف الظبي راسه عظام وقرن ماش عراش=ولكن غرّني مشي الهوينه يوم يمشيها
يابينك يا خطى المقبل يابينك يا خطى المنحاش=تهادي أو تمادي بيّنه عندي مماشيها
تقـفّينا المطايا بالنوايا والحديث جراش=وإثر نصف القلوب المرجفات إبليس حاشيها
جَهَدنا واجتهدنا لأجل نبري ذمة الغشاش=بَعَدنا بالنظر في شان من قرْبت معاشيها
ألا يا نفس خرتي واستخرتي والنتيجه ماش=تلببتي نفوس ٍ غاويه والكذب غاشيها
تعديتي حدود السِّيف والدانه مع الطوّاش=تماديتي وصار الكارثه صعبٍ تلاشيها
تهاونتي وهنتي لأجل حضرة عايش وعياش=وطرتي في العجاجه بين رايشها ومرشيها
توسدتي شناظيف الحيود بلا غطى وفراش=تفـلّستي من الثنتين بكرتها وحاشيها
عسى يا نفس زلنا شوكة الهقوات بالمنقاش؟=نصيحه وإن قبلتيها عسى .. وإلا فـ طشّيها[/poem]
رد مع اقتباس
انا كلي لجل عينـــك 
[/align]
