[align=center]مساء الخير
الاختبارات وما أدراك ما الاختبارات
6+18=24 سنة
18سنة وانا ادرس والسنة هذي افتكيت لو اني الى الآن أعتبر طالب
وهذا الترم اللي كنت احسبني مرتاح فيه من هم الاختبارات
بس اكتشفت اني الى الحين اختبر
لأني صرت أشيل هم الطلاب والطالبات
الغالين علي سواء ممن حولي
او ممن تشرفت بمعرفتهم
وأكتشفت انا ماراح نرتاح من سالفة الاختبارات
......
......
من المواقف الطريفة اللي مرت علي
أنه كان عندي اختبار
وكان عندنا بالبيت جلسة شباب وبلوت ووناسة
وانا عاد ادماني البلوت والسوالف
المهم مريت على الشباب
وهم يلعبون ورقة
والجلسات ماتضبط الا بوقت الاختبارات
اللي صار اني مريت على الشباب
ويوم شافوني قالوا يامسكييييييييييين
ياحراااااام
المهم وقفت شوي اتفرج فيهم
بعد دقيقتين قالوا للحين واقف ورى ماتروح تذاكر
قلت
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ماابيعها وابكي واريّح ضميري= ياليتني من الدرس والكرف مرتاح
عجزت اذاكر والوضع ذا خطيري= يالعنبوه الدرس من وين ماراح[/poem]
ههههههههههههه روحت والشباب ميتين ضحك
...
...
...
قصيدة توي مسويها كيبوردية
واعذروني أذا حصل فيها قصور
ولاني أجزم أن شعور البقية من أعضاء غرابيل نفس شعوري خليتها باسم الجميع موجهة للطلاب والطالبات من غرابيل
لاني فاقد لي ناس عزيزين بداعي الاختبارات
[poem=font="Simplified Arabic,5,black,normal,normal" bkcolor="transparent" bkimage="backgrounds/12.gif" border="none,4,gray" type=1 line=0 align=center use=ex num="0,black"]
ذي دعوة ٍمنا لاعضا غرابيل=حبيت اعددها على عدة ابيات
مضمونها يالله عساها تساهيل=والله يوفق من وراه اختبارات
بغيابكم ندعي ولانبخس الكيل=دام المعزة ماتترجم بكلمات
ياللي لنا شمعة ليا عتم الليل=ومن اجلكم نكتب جزيل العبارات
نبغى البشاير بالليال المقابيل=وانّا نبارك في قدوم المسرات
نهدي لكم منّا ورود ابــ أكاليل=برجوعكم واللي نشوفه شهادات
بسمي وبسم اللي بقى من غرابيل=حبيت اعبّر عن غلاكم بالابيات[/poem]
تحيتي للجميع
فايز الحربي[/align]