مسائكم بيض مقلي بالشكتب << مادري حاس إن الإسم غلط
اليوم جيت أنزل الجزء الثالث لقيت الإتصال خربان وغرابيل مخبط ماطورها
وحالة أم اليوم كله حالة ..
اليوم أحسني مسطوووول مادري ليه ...
شربت حليب لونا وأحسني تخدرت ورحت للشركة حقت لونا وقلت وش السالفه
قالو مافيه شي .,, قلت لازم لازم تشوفون وش صار في حليبكم صار يخدر
ويكثر السعابيل يعني فيه مشكله ..
بعد البحث والإجتماع مع دكتاره كثير قالوا المشكلة تحلها (عبقوره أحلى بقوره )
هي الأخصائية حقت الحليب وشؤون البقر ,,,
^
^
هذي مقدمة ماعلينا منها أكملها بكره >>> شكلهم حقدوا يبون السالفه
==============
الموهيم أقوليكم بعد ما صرت صديق شلة شباب الكووول
صرت وااااد توووحفه ألبس 700 لون في لبس واحد وأخذت عشره كيلو
سلاسل وحطيتها حول رقبتي وفي يدي سواره ..
ويعني كووول كووول ..
وأنا في شارع التحلية أتمشى مع أصحابي مرني ددسن منزل وإلا هو حبيليص
ويصيح علي يا بندر يا بندر ...
وأنا أطالع فيه بنص عين (( مين أنته ))
يا الله يا بدوي يا مقرف يالي تآكل الضبان ..
قال يا بندر نسيت ما كليت يوم كنت تآكل حتى الوزغ ...
قالت (( يا واد طير ما أعرفك ))
أنا أصلاً ما قد شفتك مين أنته يا حيص بيص << مسوي ما يعرفه وهو يدلعه
هههههههههههه
أيه دلع حبيليص عندنا حيص بيص ..
وبعد ما دخل في شارع كذا مافي أحد وألحقه ..
وأتوطا في بطنه طلعت البدواه كلها في راسها فقعت وجهه
وقلت أنا بندر خويك يا وصخ تحذفني مع القطاوه والله ما أخليها فيك ..
المهم إني بردت قلبي فيه الوصخ ..
ورجعت لأصحابي ورحنا للسوق ..
ويوم دخلت كل البنات يطالعوني وحركات وسكنات ..
وأشوف ذيك العيون من هناك تطالعني ..
وأجيها قلت أعزمك على فنجان سحلب <<< في مصر الأخ هههههه
قالت أيوه ..
وطلعنا الكافي فوق وشربنا فنجان العصيدة قصدي السحلب وطالعتها
وقلت ماراح تكشفين عن وجهك علشان تفتحين الشهية
ونطلب رز بخاري
قالت وش فيك مستعجل ..
قلت بالله عليك لازم لازم مايصير أنزل عند أصحابي وأقول ماشفت وجهها
<<< عاد خليجي لازم يتكلم عن كل علاقته من باب التفاخر الله لا يبلانا
وهي تفتح عن وجهها ...
تذكرت الشاعر الي يقول
((وجهك يذكرني بغثا ليلة السبت ... إن شفت وجهك أتذكر دوامي ))
ولا يهون الشاعر الي يقول
((وجهك يذكرني بنكبات الأيام .. تكفى تصد لا تشوفك عيوني ))
ولا يهون القايل
((سارعي للمجد والعياء مجدي لخالق السماء ..))
ولا يهون توم ولد عم جيري يوم يقول
((أوبس ))
.........
وسدت نفسي ثلاث سنوات قدام والحمد لله نطقت أمامها توبتي عن الغزل
لكن قبل أقوم مسكتنا الهيئة ..
ويشدوني أنا على القسم وهي طلعت براد شاهي من شنطتها وفركته وأختفت
أثاريها ساحرة ..
وودني للمكتب وقاموا ينصحوني يا ولدي عيب عليك الي مسويه في نفسك
وش فيك وين دينك وين عادات أهلك كل هذا لبس ..
وأنا أبكي ويحسبوني متأثر من كلامهم وأنا خايف من أبوي يدري ..
قالوا أبكي يا بني طهر نفسك ..
قلت لاوالله يا شيخ نفسي بيجيها تطهير بعقال أبوي ...
وهم يدقون على أبوي ويجي مثل الصاروخ وفي يده مشعاب ..
ناويني بنيه قشراااء ,,
قال وش مسوي الوصخ ...
قالو أستهدي بالله ولقينا ولدك يغازل ...
قال أيييييييييييييييييييييييي يييييييييش ويصكني بالمشعاب بين عيوني
الا أنا أشوف أبوي عشر أبهااااااات ,,
وأنحاااش من المكتب وكان معي بطاقة أحوال وجواز سفر وعلى مطار الملك عبدالعزيز
ومن العجلة قال الموظف وين تبي يا سيد ..
قلت أسمي بندر مو سيد وأبي أقرب رحلة خارج المملكة ..
قال مافي إلا موزنبيق ..
قلت دز دز بسرعه وين الطيارة وهو يقص التذكره على طول على الطيارة
وأركض بدون شنطه ملابس وبدون شيء بس النحشه النحشه ..
ويوم ركبت رحت للطيار ..
قلت لو شفت أبوي على الطريق في السماء لا توقف له ....
ودفني الطيار وقال رح أقعد بس لا تطيح ..
وبعد ما أستوت الطيارة في السماء ..
لقيت أبوي جنب الطيارة يمتطي صهوة ( بطة ) ويأشر للطيار وقف والطيار داعس
ماوقف له ...
وبعدها ما عاد شفت أبوي ..
وجتني الملاحة وه يا قلبي وه
قالت شو بدك تشرب شكلها يمنيه << أيه ايه كمل بس
قلت أبي سحلب
وبعدين تذكرت الوجه الشين هذاك وقلت لا لا هاتي رز بـ لبن
وبس قفت من عندي أهتزت الطيارة ..
قلت هذا الحب يهز الطيارة وأهتزت مره ثانية قلت هذا العشق
الثالثه قلت هذا الموت والله ...
إلا الطيار يوم تكلم وقال بدل ما هو يطمنا ... قال إلي عنده ذنوب يستغفر
ترانا ميتين ميتين لا محالة ..
لعبنو شيطانه والله طير عقولنا ..
وأطالع في الأرض الا وش بعدها ...
قلت بأحذف نفسي فكو الباب فكوا الباب ...
=======
إلى اللقاء الجزء القادم