الى من تستحق ذالك واكثرررر فقط
الله الله
[poem=font="arial,6,blue,bold,italic" bkcolor="white" bkimage="" border="groove,8,red" type=2 line=0 align=center use=ex num="0,black""]
أهلاً هلا بك يم رمشٍ كحيلي = ترحيبةٍ لا وصلتك ما تعداك
اسوق بك من صافي الفكر خيلي =وانا اتخيل صورتك واتمناك
فاحة بحبك دلت الشوق هيلي =والشعر لن ما صبحك مني أمساك
اعذب بيوت الشعر بك تستويلي =ويروق لي جزل اللحن في محياك
شوفي بجزل الشعر مقوى صهيلي =وشوفي بطيبك كيف شعري تنقاك
وش عاد لو لي تنثرين الجديلي =انا وشعري يالغلا نسير نبراك
قسم لطوف جميع شعار جيلي =في وصف شعري ياجميله بحلياك
والله ماتلقين شخصٍ مثيلي =هذا كلام الصدق والكذب يفداك
ايتي قبالي و أجلسي واضحكيلي =خليني بعين العشاشيق انا احلاك
حلوه بعيني لو متتجمليلي =سبحان من جملك بالزين واجلاك
بعدك من الخفرات انا وش بقيلي=معاد باقيلي ولا شي بلياك
يكفيني انك بس تتبسميلي =اضيع مابين ابتسامتك ورضاك
واليا كتبت ابيات لك صفقيلي =الشعر من حبك بقلبي مايعصاك
والله لو وصلك وشوفك يجيلي =وانسى جميع الناس ولله منساك
اموت انا في جسمك اللي نحيلي =ياليتني من يدك لا فمك مسواك
تعالي بحضن الغرام ارتميلي = بضم حبك فوق صدري وذكراك
يم العيون اللي هدبها طويلي =من شاف حلو ارموشك شلون يسلاك
على رموش الشوق حب اهمسيلي=معاد به غيرك من البيظ يسواك
وبحلا رسالات الغرام ابعثيلي=وانا وشعري رهن اشارتك وفداك
لو تعلمين من العنا وش حصيلي= ماكان شرهتي علي يوم انا اهواك
بعد غيابك آآآآه ياطول لليلي = وياثقل دم الليل من دون لقياك
الموت من حبك يجهز غسيلي =وانا وربي ما تولعت باسواك
وان كان في حقك غلط أسمحي لي = انا بحبك سرة مجنون فرقاك
مال القبيليه سواء الا القبيلي = وانا اللذي رغبان في طيب مبناك
تكفين يابنت الرجال افزعيلي =لو مالغلا والشوق ماجيتك انخاك
يابنت كريم السجايا الاصيلي =عاشة يمين اللي على الطيب رباك
ان كان ماتدرين انا اصلي حليلي =وتاريخ ربعي سليم ماضن يخفاك
ربعي ذوي جبرين زبن الدخيلي =ماهم بشرابين خمراً وتنباك
مايشربون الا قراح(ن) عليلي =ولو ماعذوبة موردك ما وردناك
كل الكرم والجود انا ينتميلي = ولو ممغزاك بجيداً ماغزيناك
ولاني ليا مني هويت أبخيلي =هذا كلام الصدق من خاطري جاك
على بنات الخلق مالعب بذيلي =الله بحب اهل الردى انه لايبلاك
صادق صدوق بصدقي اكسب جميلي =ادور اهل الطيب مثلك وشرواك
يفرج لك الله من غلاك افرجيلي =تلقينها نهار تلقين مولاك
ون لم ؟ تريديني فخلي سبيلي =الله يسعدك بشبابك ويرعاك
شوفي بديلي كان ودك بديلي = وانا علي بالشعر لكتبك واقراك
واللي مثل شرواي دايم ثقيلي =لو ماهو قريبك طيبه تغشاك
من عادتي ماخون سد العميلي = ومرماي ماهو حول بالجود مرماك
اوقف لكسب المرجله فوق حيلي =وان كان عفتينا ترانا ماعفناك
يجهلني العقل السفيه الهبيلي =ويحول عن دربي ليا سرة مناك
وعقل الفطين ان جيت دايم صحيلي=وانا ماني في طيب الاجواد شكاك
وختامها ذكر الله اللي جليلي=الواحد المعبود علام الافلاك [/poem]
وسلامة الجميع
رد مع اقتباس
المشاركة الأصلية كتبت بواسطة أنين الورد
