[poem=font="Simplified Arabic,4,black,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
ياقـلب هــوّن وأنا بصوم وأصلّي= وأترك هبوب الهوى تضرب هبايبها
علقـتـني في حسين الوصف والدلّي = أتـلـع دلـع ليـت أبـويه من قـرايبها
في ضحكته غمزتين خفـيِّـف الظـلّي=وإليا همس ينعش سموعي و يطربها
خالط بـياضه سمار ٍ فيه متجلّي= سمرة عرب في وضاح الخد شاربها
ومن الترف كنـْه في مشيتـْه يختـلّي=عـود الغـنج موجـته هـــادي تذبذبها
لاهـو بـمتكبِّـر ولاهـو بـمتغـلّي=نـفـسه على زود حـسْـناته مهـذبها
كنت أحسب إني على ما قيل متسلّي= يــوم العـيـاره تلاعـبـني وألاعـبها
وإثر الهوى تلّ صندوق الحشى تلّي= خطر ٍ على الروح يزويها و يعطبها
كلّيت قاصي عـزايم جهدتي كلّي= وأمسيت مابـين مخطيها و صايبها
ياللي تصدَّرت ترتيب الغلا ياللي=متمـلّـكٍ جـملة أشـواقي و كـاسبها
أرجو التفضل على الهيمان يا خلّي= نـفـس المعـنــَّـا دخـيـلك لا تعـذبها
أرجو التفضل على الهيمان بالوصلي=ومن سلم الاحباب تاصل في حبايبها
لا تستمع للعذول وقول المغلِّي= اللي تهــاويــل ظـنـك من سبـايبها
ناس ٍ على النرجسيه نجمها هلّي= ومن القهر عوّدت في عظ غاربها
من شد حبل أمس غصب اليوم ينحلّي= قصده قضى حاجته لا جاك طالبها
خـلّه على ضيعـته وإيَّـاك يـنــدلّي=خـلّه على حسبة أصفاره يحسِّبها
لا صرت غاوي وانا اللي عاشق ٍ مبلي= باقي حـروف المحـبه لا تـعــرِّبها[/poem]
رد مع اقتباس
-new.gif)
