السلام عليكم
وأسعد الله أوقات الجميع بكل خير
بأمل قبول هذه المتواضعه
0
0
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
أحيان يامحلا القصائـد والألحـان=لا قلت ديري يارحـى وأستديـري
وأحيان لاوالله تجي عكس ماكـان=وأستعجل الخطوات وأحثّ سيـري
وابّـدل العنـوان الاول بعـنـوان=أببري الذمّـه وأريّـح ضميـري
تبت أيدين الغرب هم والمريكـان=وتبت يمينـك يالجبـان الحقيـري
لحد هاللحظـه وباقـي الـى الآن=ماأحدٍ عرف قاتل رفيق الحريـري
غطت عليها سالفة ريّـس ايـران=وجاء دونها يمكن حقيبة وزيـري
مع لخبطة لحود في حكـم لبنـان=هـذا يصيـر وذاك لا مايصيـري
الشرق الاوسط كلهم فوق بركـان=مثل الإداره في غيـاب المديـري
وضع تردى ثـم تـردى وإنهـان=وحتى الرسول أستلحقوه بكثيـري
خابوا وخسروا كلبوهـم ولاهـان=خاتم جميع المرسليـن النذيـري
مافيه عدل وفيه عشرين ميـزان=ومحاكمـات شرهـا مستطيـري
وأحيان لادققت في كـل الالـوان=بانت مواريهـا وبـان الخطيـري
باقي للأمه عز ولشأنهـا شـأن=سبحان خالقهـا حكيـم خبيـري
أحيان يأخذنـا التأمـل فالإنسـان=ينسج خيالٍِ طول عمره قصيـري
يطلع حصان وينثني دونه حصـان=أقولها وتقولهـا النـاس غيـري
وبرهان أخذ مني وأنا أخوك برهان=يامسنـدي ياعزوتـي ياشويـري
من أقصى تبوك يلين تاصل لنجران=أرض وهبها ربهـا كـل خيـري
جزل العطايا اللي عطاها سليمـان=سبحانه وجـل وتعالـى الكبيـري
الله كفيل بعـز الإسـلام يافـلان=ولاهوب في حاجة وجاهة أميـري
على الوعد باقين وبعزم وأيمـان=ونقول طيري يالعصافيـر طيـري
الحمد لله دايم وفي كـل الأحيـان=وديري بعد ياهالرحى وأستديـري [/poem]
وسلامتكم
رد مع اقتباس
المشاركة الأصلية كتبت بواسطة شداد العتيبي
[/align]
