[poem=font="Simplified Arabic,4,black,bold,italic" bkcolor="transparent" bkimage="backgrounds/33.gif" border="none,4,gray" type=2 line=0 align=center use=ex num="0,black"]
البارحة قضيت ليلي لا أنيس ولا جليس =كن الهواجس في خفوق الهم يطحنها رحاه
ودعيت شعر ما تناساني وهو خير الجليس=وفتحت صفحات الأسى مني وجريت الدواه
الله يبعد صاحب الحاجات والوجه التعيس= والله يلعن من يخون بصاحب يذكر وفاه
يا صاحبي يا دمعي المدفون يالدر النفيس= وشله تخلي نار هجرك يحترق فيني غضاه
تركتني في زحمة أحزاني وأنا وقتي خسيس= ما ترفق أيامه على وضعي ولا يرحم قضاه
ذوقتني طعم العسل والسم في شربه دسيس= حملت نفسي ذنب أيامك وحملته خطاه
بعت المحبة والغلا والشوق بالشي البخيس = ونسيت شخص مانسى وجهك ولا شوقه نساه
وأن الذي أرقب حضورك من خميس إليا خميس = أحسب دقايق جمعته وحسب ثواني أربعاه
وأقول وش يعني زفاف العرس من غير العريس = يالعنبو ليل رحل ماطل نورك في سماه
لكن خلاصة كلمتي يا صاحبي تقدر تقيس = صبري على فرقاك يالغدار وتقايس مداه
ما ني من اللي يتبع المقفي ولا أني ولد هيس = من باعني بعته ومن يشري صفا قلبي شراه [/poem]