..
[poem=font="traditional Arabic,6,darkblue,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
الشوق يحرق صاحب الشوق بالنار=نار الغياب اللي حطبها الموده
وسط الضمير اللي من الحزن منهار=بانت خفياته وبيحت سده
نعيش فالأيام والوقت دوار=والهم مثل الموج جزره ومده
ومدام نون العين للدمع معبار=ودمع الشقاوي من عيونه لخده
مافيه داعي يامقادير الأقدار=نكشف حقايق قصةٍ مستجده
ياقلب قدمك نار واللي ورى غار=والخافي أعظم مير خابرك قده
لكن لايجذبك تيار الأفكار=هاذي فصول الوقت حره وبرده
اللي ماصار العام هذا السنه صار=جنب هموم الوقت لينه وشده
وارتاح من كثر الرجاوي والأعذار=اللي طغت فالحال عقب مده
قم صب لي فنجال هيلٍ ومسمار=من دلة الرسلان بالكف مده
كيفٍ لنا تكريم بالضيف والجار=قبل الشحم والطيب سوقه وبده
صبه ترى بالي عمس والفكر حار=عله يداوي علةٍ مستبده
كن في فؤادي من غلا الزين بتار=سيف(ن) سطى وسط الضماير بحده
تقطيع لحم بعير في يدين جزار=وأهل البخص كلٍ نصيبه يعده
وألا كما طيرٍ على كف صقار=ساعة لقى صيده من يديه هده
هده لكن الطير عن صاحبه طار=وأقفى وخلى صاحبه في مهده
هذا كما حالي بعد ماالزمن جار=مابدله .. ليله .. وصبحه .. وغده
على الركب واقف وضربي على الزار=وأجر صوتٍ مايجره موَده
ياعنك ما فالحب ياصاحبي (*خار)=اعذرت في خلي .. ومزحه .. وجده
ومادام بعده يكوي القلب بالنار=يبعد وأنا مليت ((شوووق وموووده))[/poem]
* خار = خير تحقيق للهجه المعروفه هههه