ياوالله اللي شامت النفس منه=ماعاد له في جوف قلبي مكانه
ماألد صوبه ماابغي اخبار عنه=لابوه لابو من ترجى حنانه
شفته صغير وغرني صغر سنه=وأثره يخون ولايصون الأمانه
غرون صغيرن ياعرب يحسب انه=سيطر بحبه وامتلكني كيانه
مايدري أني عفت ذوقه وفنه=من يوم بانت لي كيود اللعانه
وش لي بقربن فيه ذله ومنه=نفسي عزيزة مارضت بالمهانه
من اولى ود بشوفه واحنه=من كل شين يزعجه في زمانه
وأحقق اللي هو يبيه ويفنه=واتعب وأجامل في حياتي عشانه
وذا الحين لو عض الأصابع بسنه=يستاهل الهجران راع الخيانه
والأ الهجوم اللي علي يوم شنه=عندي خبر عاجل وهذا بيانه
الوقت لامن طال بيخيب ظنه=ويندم على فعله وزلة لسانه
ارجو تنسيق القصيدة ولكم جزيل الشكر
رد مع اقتباس
