هذه القصيده بخادم الحرمين الملك فهد بن عبد العزيز الله
يرحمه ويسكنه فسيح جناته
[poem=font="Simplified Arabic,6,black,normal,italic" bkcolor="transparent" bkimage="" border="none,6,gray" type=2 line=1 align=center use=ex num="0,black"]
اسوى خبر جاني سريع الرساله=في شا شة التلفاز ذاعت الاخبار
خبربكا طفله وحزنت رجاله=دمعت حزن منها يذوبن الاحجار
خبر زعيم(ن)مات وقفت ارحاله=في ذمة الرحمن وافت الاقدار
زعيم حاكم مانت عوض بداله=فهد فهد وافي الخصايل والاشبار
فهد فهد مثل رواسي جباله= مثل الجبل ماهزته قوى الاعصار
رمزالسلام ورمز سيف العداله=القايد العادل لياصارماصار
براي والحكمه بفعل وصماله=سجل على التاريخ بصمه وتذكار
بسياسته لاراد شيْْن يناله=بسياسته عقول الألباب تحتار
بالخير كم مشروع كفه بناله=مدات خيراته على صغار وكبار
شرق(ن)وغرب ومن جنوب وشماله= نقص(ن)على الاسلام في كل الاقطار
الحزن عم المدن في كل حاله=كن المناطق والبلد مابها النوار
وحتى البحر حزنه زبا فوق جاله=تقول ماطب البحر يوم بحار
غاب الهلال وجاء بداله هلاله=عبدالله اللي لشعب مخلص(ن) بار
خيره كمى وبل(ن)نشأمن خياله=مثل الحيا يحيي هشيمات الاشجار
لذعذع الغربي ومايل عقاله=عزالله انه للمهمات جبار
وسلطان ابو خالد لياجاء مجاله=خير(ن) يزيد الخير ويذل الاشرار
من بين ابوه وبين عمه وخاله=الطيب جاله وغيره الطيب مختار
والطيب عند الناس كلن لحاله=غطا على أهل الطيب ومسور اسوار
الكل منهم حمله اليوم شاله=احرارمعروفين من ماكر احرار
ال سعود سلالت( ن) من سلاله=اسوارنا عن كل خاين وغدار
ومن بعدها نطلبك ياذا الجلاله=تاقى فهد يارب من واهج النار
انت الرحيم اللي بعفوه نساله=اللي لعبدك من خطاياه غفار
وبصبر والسلوان تلهم عياله=وتجعلهم بالصبرمدخل ومظهار
وصلاة ربي عد رمل السهاله=وعداد ماوسط الحرم زاير(ن) زار
على النبي اللي بعث بالرساله= شفيع خلقه يوم غيبات الابصار [/poem]