اخواني واخواتي هذه قصيده كتبتها في الشيخ عبد الله بن ناصر السبيعي
من اهالي الخرمه حيث انه قام بعمل انساني لم يسبقه عليه احد من قبل
جزاه الله عنا خير الجزاء 00000
واتمنى ان تحوز على اعجابكم
[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يا راكب اللي ما تشّيـــك من الصــين = من مصنعه صدّر على أطـلق وكالــــة
وكالــته بعـــمان والفــرع بالعـــــــين = يرخـص بـه الرجـــال غالــي حلالـــه
إن ما حصل له كاش وإلا حصل ديـن = مهــــوب متــــندم ليـا ســــاق مــالـــه
ينعش قــلوب أهل القــلوب المـشقيـن = ليا دق ســلفه والطـــريق أستوى لــه
يلفي على السبـــعان سقم المعــاديــن = أهـل الوفـاء والطيـب وأهل الشكالــة
قومٍ على فعـــل المهمات ضــــــارين = ولهـــم على جور الليـــالي بســالــــة
وأخص به روس الرجــــال المسمين = روس الرجـــال مطوعة كــل قالــــة
عبدالله الناصر زبون المخلــــين = الطيـــب له من راس أبــوه وخوالــه
وفزعة بني عمــه علـى العسـر واللين = مريــعة لــلحــق مخــط العـــدالــــــة
جيـــنا لهم من نجــــد عنوة وعانيـــن = في مــطلبٍ صعــبٍ وعســرٍ منالـــه
وحلوه عكفان الشــوارب على الزين = شيـــوخ الرجــال مدورين الجمالـــه
قومٍ على فعــل الجميــــل متواصــين = وصيـــة الشايــب خــذوها عيــالــــه
سبـــعان في كل المهـــمات وافــــين = لاغــاب نجـــمٍ بان الآخــــر بدالـــــه
وصـــــلاة ربي عـــد نو الــــودادين =علـــى النبـــي اللــي مشى بالرسالــة[/poem]
عبـــــد الله بن خاتــم بن مــــرزوق العضيـــــاني